【職場熱話】打工仔辭職被上司挽留 仲出動禁錮一招 要求打電話畀新公司講數?!

【職場熱話】打工仔辭職被上司挽留 仲出動禁錮一招 要求打電話畀新公司講數?!
正所謂「東家唔打打西家」,轉工是平常不過的事,如果找到更好的發展機會,當然要努力爭取。不過有些古板的上司,為了挽留下屬,竟然出動禁錮一招。早前有網民向Facebook專頁「奴工處」投稿,表示HR瘋狂追問其離職理由,之後上司更「禁錮」事主勸告不要辭職,令人十分無奈。

延伸閱讀:【辭職學問】辭職前想好這7件事 減低令自己後悔的機會

按圖了解打工仔辭職被上司「禁錮」過程:
  -都有成十年前嘅事,嗰時我喺某間財經資訊公司返新工。
-我入到去先知道原來成條team走晒咁大鑊,得我一個做嘢,梗係做到隻積咁。
-原因係有位高層係咁玩分化,諗辦法趕走舊人起自己馬房,叫入房一對一講其他人是非。
-結果成間公司士氣低落,不停有人辭職。我日日做到7點係基本,8點幾收工係家常便飯。
-返咗唔夠一個月,我收到另一間公司offer,條件同前途比呢間好,我梗係轉工啦。
-我請辭之後,人事部循例問我離職原因,我只係話我有更好嘅工作,好來好去就算啦。
-點知HR係都要打爛沙盤問到篤,問我係唔係對公司有咩不滿。
-既然人事部都講到咁白,咁我都唔再避忌,將嗰位分化高層嘅問題講晒出來。
-同日下午,大老闆竟然親自嚟到公司,召集全部同事召開聽證會,之後就決定炒咗嗰位高層。
-點知好戲在後頭,以下先係最黐線嘅部分。直屬上司捉我入房,話既然都炒佢,勸不如我唔好走。
-仲要出到禁錮手段,迫我打電話去新公司講數,佢都黐線嘅!
-我心意已決,我同佢講我一定走,唔使再留我。
-仲要我本來試用期內係可以即走,我返多一個禮拜交接埋手尾,仁至義盡啦。
-結果,到last day我都係要做到夜晚8點幾,哈哈。

網民點睇?
-叫人留低,咁有無講加人工先?唔加夠雙倍我一定走囉~
-咁嘅公司有得即走唔走,Last day仲要幫佢OT?呢啲唔係愛或者責任,係戇居。
-有第二份工梗係走啦,仲要話迫你打電話去新公司,我一定鬧X佢即日走人,樓主你真係好人……
-無論點都好,離職原因我都唔會講真話,廢事講人事關係啦。
-你咁有公司心LAST DAY都做到8點,咁就唔好走繼續做喇! 現時《僱傭條例》對辭職有沒有規定?僱主有權拒絕僱員辭職呢?以下整理了數個貼士,讓打工仔散水順利。

按圖了解更多:
 
如果HR向你追問辭職原因時,有什麼冠冕堂皇的理由能讓彼此不會尷尬,與舊公司保持良好關係呢?

按圖即睇15個大方得體離職原因:



延伸閱讀:【辭職學問】打工仔欲遞信辭職 上司扮忙避得就避 網民集思廣益一招解救

延伸閱讀:【辭職學問】老闆迫員工主動辭職10大常用手段 分分鐘無賠償?

延伸閱讀:【辭職學問】打工仔辭職被公司拖糧4個月 前僱主報復將人工換成9萬枚硬幣

【最新調查】《CTHR 2021年畢業生薪金及就業調查》結果出爐!立即下載調查報告!
 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【辭職學問】HR大爆新人古怪辭職理由 網民:有講咪算好!

  • 【職場熱話】網友呻辭職後被上司狂加工作量 HR教用呢招應對

  • 【職場熱話】黑雨地盤都要照返工 員工:水浸到要坐艇走!

  • 【職場熱話】「能者多勞」係讚美定懶人嘅藉口?網民:難聽過粗口!

  • 【職場熱話】做藥房都要跑數? 唔夠數要大懲罰:放無薪假、仲有…

  • 【職場熱話】夏天返office以為去咗汗蒸幕 員工:沖涼、吹頭乜都有…

  • 【職場熱話】身家半億少爺vs月入50K打工仔 女同事會揀邊個?

  • 【職場熱話】工作後難識另一半 女網民:人生一定係買樓、結婚、生BB?

  • 【職場熱話】港女去Staycation屈蛇被趕 大鬧酒店員工冇人情味 被網民鬧爆!

  • 【職場文化】家人着工衣say Hi 事主感尷尬 被網民鬧爆:狗眼看低屋企人!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow