Next
【職場煩惱】不滿公司繁複密碼制度！網友：幫你練下記性啊
【職場煩惱】不滿公司繁複密碼制度！網友：幫你練下記性啊
2023-03-09
很多企業要求員工定期更改公司電腦或電郵的密碼，以保障網路安全。但每隔幾個月就需要設計一個新密碼，令不少打工仔因此而感到懊惱。數字、英文字母、大小寫、符號，不重複性，一系列繁瑣要求疊加之下，員工只好頻繁地按下「忘記密碼」的按鈕，麻煩自己又麻煩到 IT 部同事。
近日就有網民在討論區發文，指公司密碼要求三個月改一次，兼不准重複使用過往的密碼，直言「點記到咁多密碼！」留言區馬上有網民紛紛表示同意，並獻出自己更改密碼的小撇步。不過，如果人人都用同一套方法修改密碼，這項措施還能保障網路安全嗎？
按圖即看網民留言：
網民 A：練吓你記性，冇咁易老人癡呆呀！
網民 B： Password001! Password002! Password003!
網民 C：結果每次 login 都要 reset password 一次......
網民 D：將一組密碼後邊加個 a，三個月轉為 b，a-z 頂到六年半。
網民 E：幾個月先要改咁耐？
網民 F：真！公司email 成日唔記得，次次要reset 都畀人話。
網民 G：然後去到有日去旅行太耐冇login，留嚟唔記得去到a-z邊度，試3次就 lock account。
網民 H：我公司都係，次次換完唔記得，成日煩個 IT 幫手 reset。
網民 I：我公司要 14 個字，大草、符號、數字，仲要唔可以同最近10 set pw有超過 5 個字一樣......
網民 J：最後搞到人要寫低個密碼係記事簿度，真係好安全。
網民 K：一日幫幾十條友 reset password 都咪話唔煩。
網民 L：有同感，本來諗住會加到099，結果未到 009 已轉工。
網民 M：唔關你公司 IT 事，係 audit 要求，成件事其實反智。
網民 N：其實已有研究顯示：要個用家不停改新密碼，改到佢自己都無法單憑記憶記住，從而迫到自己將密碼存落電話/記事簿...... 咁樣比起佢自己個腦記實一個只有佢自己先知嘅密碼，更加增加涉密風險......
網民 O：幾個月轉一次工咪得囉。
網民 P：我哋公司每個月強制換密碼，仲要月尾最後 5 日都會出 email 提你換。
事實上，近年有研究報告指出，依照人類的慣常習性，當我們被迫更改密碼，就會選擇取巧，按照上一個密碼而做出輕微改動，以免自己忘記密碼。甚至，有時候會特意把密碼抄寫下來，反而增加帳戶資訊洩漏的風險。
故此，定期更改密碼的防護成效確實成疑，設立多重認證系統或偵查反常登入狀況等措施，可能更有效堵截網路駭客的入侵。你又有沒有為改密碼而煩惱過？
個人資料私隱專員公署為機構、僱員和視像會議軟件使用者（包括教師和學生）提供9招保障個人資料：（按圖了解）
延伸閱讀：【網絡安全】企業要注意3大新興網絡威脅 專家教中小企5招提升網絡安全
延伸閱讀：【網絡安全】「Sign in with Apple」存漏洞 保安專家獲獎金致謝
延伸閱讀：【在家工作】WFH增資料外洩風險 私隱公署建議9招保障個人資料
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!