Next
【職場歧視】同事投訴女同事大肚唔預早通知 網民：做咩要交代？
【職場歧視】同事投訴女同事大肚唔預早通知 網民：做咩要交代？
2022-05-04
在職場上最容易被歧視的很大機會要懷孕的員工，因為總是被認為工作力下降及經常放假，但其實懷孕不會使人失智，專業的工作能力不會因此而消失！加上，每個人都有媽媽，你也是這樣被生下來的，真不明白為甚麼要為難懷孕的員工！
延伸閲讀：【職場英語】同事英文嚇死人？「To who it may concert」都寫得出？
有網民在社交平台專頁「奴工處」上投稿，憤怒地指責同事大肚無交帶，道：「好憎同事大肚前又唔單聲！同事無啦啦大肚，畀啲心理準備都好呀！做嘢又冇手尾，無啦啦走去放產假，全部project都要同事食晒！」結果被其他網民怒斥。說真的，就算在工作分配上有不當，這也是作為上司的責任，難道同事大肚都要向每個人公佈嗎？大肚就沒有私隱嗎？事主可能一時間忘記了自己只是一個同事的角色。
即睇網民回應：（按圖了解）
網民：「都唔係無啦啦卦……」
網民：「人一世人會生到幾多個BB，最多咪2至3個，你咁都計。」
網民：「預報大肚係難，不過而家啲人多高齡懷孕，容易唔穩，好早就要忽然放sick leave，做唔到交接影響到同事又係真嘅。」
網民：「佢個肚變大咁多個月你都睇唔到？」
網民：「我有前同事真係試過，佢本身又坐房，瘦底，中後期係冬天穿大褸都好正常。好多年前，我都唔記得係咪就嚟生得先知，仲以為係啱啱有咗冇幾耐，老細都唔知，好嬲，因為佢個位係要考牌兼唔易請人。」
網民：「有咩可能老細都唔知？都要放假產檢或者避免太勞動卦？佢自己硬食咗七八個月都算畀面啦？」
網民：「大肚前點單聲？『嗱，我話定畀你聽，我下個月15號大肚喇！』咁？」
網民：「大肚呢啲唔當係project要傾定schedule吓話？」
網民：「放產假前要單聲正常，因為唔知佢前4後6定前1後9。大肚前單聲點做到？要報告造人計劃？」
網民：「公司要每年做員工自我人生規劃表先得！叫啲員工寫吓嚟緊自己幾時產假、結婚、喪假同病假。」
網民：「各位同事注意：我今晚會嘗試進行造人儀式，麻煩大家幫忙加油！」
網民：「大肚前要講呢個要求都幾高難度……又唔是異形半日就喺個肚爆出嚟，產假都唔係無啦啦放……前面有段時間預咗會放……」
網民：「點單聲呀？大肚之前會知大肚嘅咩？放產假理論上只係需要同上司和公司講。」
放產假可通知 大肚點通知？
網民都認為事主要求大肚前通知是非常可笑和無理，有網民表示：「放產假前要單聲正常，因為唔知佢前4後6定前1後9。大肚前單聲點做到？要報告造人計劃？」更有網民笑指，難道要向公司同事公佈自己的造人計劃嗎？「各位同事注意：我今晚會嘗試進行造人儀式，麻煩大家幫忙加油！」
有網民指，懷孕應該只需讓上司和公司知道，因為需要安排人手和放產假的時間，但真的無需要向同事交代。而如果同事在工作上對懷孕同事有任何歧視，都有機會被告！請多一點體諒，念在自己都曾被生下來，自己的母親同樣經歷辛苦。
懷孕歧視的定義
懷孕歧視是指基於婦女懷孕而給予她較差待遇。《性別歧視條例》保障婦女在僱傭、提供貨品、設施及服務等範疇免受懷孕歧視。
僱傭範疇的懷孕歧視
根據《性別歧視條例》，若任何香港機構的僱主基於婦女懷孕而使她遭受不利對待或被解僱，即屬違法。條例保障各類僱用方式，包括合約工作。
僱傭範疇中常見可能涉及懷孕歧視的例子包括以下因懷孕而遭遇的情況：
．不獲聘用；
．在沒有合理原因下於懷孕期間或產假復工後立即被解僱；
．不獲晉升或較佳的工作調遷；
．被降職或調職到較差的工作崗位；
．獲得較其他員工少的加薪或花紅；或
．在沒有合理原因下工作時間、角色和職務被更改。
僱主可如何防止歧視
僱主不應對孕婦的工作能力作出假設，因為婦女懷孕並不代表她沒有能力執行職務或工作效率降低。僱主應注意機構與懷孕員工及懷孕求職者的權利和責任。僱主也應遵守《性別歧視條例》和《僱傭條例》中的條文。
僱主可透過以下方法防止歧視：
．告知懷孕員工有關放產假和病假的權利和責任
．就產前檢查及放產假、員工招聘、調職、工作表現評核、加薪和花紅制度，制定清晰劃一的政策
．為員工提供有關以上政策的培訓，鼓勵機構內建立互相了解及開明的文化
（資料來源：平機會）
延伸閲讀：【職場英語】同事英文嚇死人？「To who it may concert」都寫得出？
延伸閲讀：【職場文化】小編大呻幾時開始要一手包辦所有事 網民：自從冇人尊重文字開始
延伸閲讀：【職場熱話】網民齊數公司奇怪規矩 口罩只可用某顏色、唔畀一齊食lunch
Look out for further updates on our Facebook fan page!
Follow CTgoodjobs for the latest career news, hot topics and recommended jobs!