【職場文化】資深秘書分享各國老細真面目 港人chur？白人虛偽？內地人…

職場上要有多少年經驗才算閱人無數？網上有一位40年經驗的退休秘書，分享多年來與不同國家老闆共事的經驗，發現其實香港的老闆上司，都不算最難服侍……

延伸閱讀：【中秋另類月餅】全港首創威靈頓月餅 22歲女大學生：志願開餐廳做廚師！

有網民於社交平台專頁「奴工處」上以「40+年大秘書分享不同老細真面目」為題分享，「做咗四十幾年大秘書，前排正式退休，腦細跟過多個港人、白人、印度人、內地人，今日分享下啲迷思界大家聽。」

即睇秘書前輩分享：﹙按圖了解﹚
港人老細：有幾chur大家心中有數，勝在文化語言習俗上相通，相對冇咁易誤踩無謂地雷。
白人老細：表面好聲好氣當員工係人，口頭禪work life balance，實際上勁虛偽，都2021年好多仍然抱持「華人與狗」心態，冇事就話支持香港，有事就話我返外國先。
印度老細：鍾意員工默默工作唔好搞事，你尊重佢時佢尊重你，睇錢超緊，通常公司最少一半員工係佢哋同鄉，男女同事唔準同枱食飯，過時過節好多習俗。
內地老細：好大喜功，鍾意搶人功勞，成日要人食死貓，好嘅會自動迴避敏感話題，唔好嘅會迫人表態，好處在於舊式儒家思想，如果夠口甜、勤力、隻眼開隻眼閉，整體上算湊able。
 
不知道各位打工仔又有沒有同感呢？即睇網民回應：﹙按圖了解﹚ 網民：「白人嗰part認同，同過唔少白鬼佬做鄰居，佢就嘈到爆，你就唔可以有一粒聲出；唔少自己老婆都已經係本地華人啦，都仲係要歧視人，真係咁唔鐘意呢度嘅人，大可以離港的。」
網民：「麻煩嘅鬼佬可以少少事都最多投訴。」
網民：「你覺唔覺得自己種族歧視緊？點解篇文會過到？」
網民：「因為佢係用40+年嘅經驗，寫出嚟嘅statistic，係一種分析，唔係一種「我覺得」，所以唔可以話係歧視。」
網民：「根本上無個好人，仲要喺啲政府資助或者大公司高層攪福利時，會話自己唔係老細，打工啫，到要用權力時先好似超人着起件袍話自己係老細。」
網民：「其實都係睇人嘅，族裔代表唔到人格。」
網民：「白人老闆出手濶綽，你咪當份糧包咗。」
網民：「無關係，我遇過當我係寶嘅白人老闆，亦遇過當我係奴隸、用到盡、用完掉嘅香港老闆，難道你以為「過橋抽板」係由英文翻譯嚟嘅？」
網民：「唔使分種族，純粹係樓主嘅工作經驗，就唔信呢四個種族無齊呢啲性格。」
網民：「其實乜人都咁虛偽呀！真正朋友唔會超過一隻手掌的手指數目。不同種族都可以找到好朋友，大部分都是過客。」
 
族裔代表唔到人格
有些網民覺得收老闆以族裔分類，帶有歧視成分，但亦有網民反駁：「因為佢係用40+年嘅經驗，寫出嚟嘅statistic，係一種分析，唔係一種「我覺得」，所以唔可以話係歧視。」事實上，有很多打工仔都有同感，不過，凡事都有例外，不能以一竹篙打一船人，有網民曾與好的外國人上司共事，分享道：「我遇過當我係寶嘅白人老闆，亦遇過當我係奴隸、用到盡、用完掉嘅香港老闆。」

所以，其實族裔代表不到人格，再好的族群都會有壞人，再差的族群亦會有好人，國籍實在代表不了甚麼，不過事主的分享亦有參考價值。

延伸閱讀：【中秋另類月餅】全港首創威靈頓月餅 22歲女大學生：志願開餐廳做廚師！
延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！
​​​​​​​延伸閱讀：【另類職人】凶宅清潔師見盡凶案現場 血跡未算最驚心 更試過被報夢…
延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀：【另類職人】劍擊十年 由運動員到社工 轉職感言：兩者最着重同是「溝通」
 

⏩⏩  需要請人？立即刊登招聘廣告！  ⏪⏪