【職場文化】新同事驚訝冇welcome Lunch 打去HR投訴大家唔歡迎佢…

2023-11-13

當試過在不同公司工作，可能大家都會體會到一些職場上不成文的傳統，例如散水餅、食farewell lunch、welcome lunch等。很多打工仔在第一天上班都習慣不帶飯，期望與同事一同食welcome lunch，認識一下新同事和上司，不過，其實有些公司沒有這個文化……

延伸閱讀：【開口辭職】點拒絕上司嘅挽留？網民勸勉：對老闆仁慈就係對自己殘忍！

有網民在社交平台專頁「奴工處」上投稿，指有新同事來報到，但大家沒有welcome lunch文化，竟然惹來新同事的不滿！沒想到一餐welcome lunch會釀成如此風波……有網民覺得該新同事實在年少無知，認為welcome lunch只要造作的行為，食都食得不自在，大家覺得呢？

即睇事主分享及網民回應：（按圖了解）

+15

+14

►最新【人力資源】職位空缺

事主：「新同事on board，問我哋會唔會有welcome lunch，我哋話冇，佢話我哋咁唔歡迎佢，打埋去HR度投訴，第二日上司做樣同佢一齊食……」

網民：「自己Welcome Lunch自己爭取。」
網民：「好快會要求食farewell lunch。」
網民：「啱嘅，反正做唔耐，R得一餐得一餐！」
網民：「上司發現請錯人，第二日食完lunch就話welcome 同farewell一齊做咗，叫佢離職。」
網民：「新同事應該唔明白自己一個食飯嘅好處。」
網民：「應該頭幾年出嚟做嘢，以為返工識朋友。」
網民：「某程度上，呢啲飯都係背脊骨落，點解要貪呢啲？」
網民：「乜請新人食飯係應份？咁都可以投訴，條友都係返屋企唞好過。」
網民：「welcome lunch係咪合理而必然嘅嘢？如果唔係的話，HR同上司都肯應酬個新同事，佢嘅背景值得揣測一下。」
網民：「因為佢自己知自己事，知道自己極乞人憎唔受歡迎，所以睇得welcome lunch咁重。」
網民：「想知HR同個上司講咗啲乜。」
網民：「呀邊個，求其同佢食住餐lunch算啦，佢好煩呀，又唔係唔知難請到啱嘅人喎（以上對白純屬虛構，如有雷同純屬巧合）」
網民：「食咗要還的，少年太年輕！」
網民：「如果班HR咁都受理，證明HR乞人憎唔係冇理由。」
網民：「畀個Welocme project佢。」
網民：「到時食硬佢散水餅，唔好走數，你食唔到叫佢payme返你！」
網民：「九成媽寶，心靈脆弱到呢……」

延伸閱讀︰【唔想返工】員工好憎自己份工？6招僱主防止打工仔辭職的方法！

►最新【資訊科技】職位空缺

Welcome Lunch真的如此重要？
為了一餐迎新飯，要做到投訴的地步，然後令大家對你的印象變差，大家的相處變得尷尬，這又真的值得嗎？有網民覺得這樣不成熟的舉動，只會令自己的職場路難行，「乜請新人食飯係應份？咁都可以投訴，條友都係返屋企唞好過。」並認為不要當welcome lunch是對方應份要做的事。

亦有網民開玩笑說，指上司發現請了個如此「獨特」的新人，會否welcome lunch當farewell lunch，之後叫他不用再返工了？

其實歡迎只是一個儀式，無需太過介懷。不過，如果為人上司的，其實可以知道一餐welcome lunch原來對一個新人來說如此重要，如果想大家同事關係好，工作更加順利，一餐半餐當是同事聯誼也好，不妨讓大家聚一聚。

延伸閱讀：【職場文化】女同事公然「姣」上司好心提醒有流言蜚語佢竟然話……

►最新【工程】職位空缺

+15

+14