【經濟低迷】Send極CV無回音失業2個月港人感失落網民：宜家連地盤工都無位啊！

CTgoodjobs' Editor

Published: 2025-09-28 20:00

Updated: 2025-09-28 20:00

面對中年失業的挑戰，求職路往往充滿挫折與不易，尤其是在現時的經濟大環境之下。然而失業及搵工難的陰霾近年一直揮之不去，當求職者面對失業或待業期間難免會大感失落和氣餒。在這艱難的時刻，一眾求職者又該如何調整好心態自處？

網友在網上群組「裁員炒人消息關注組」上分享求職經歷指，自己已人到中年，失業了兩個月。可是在求職路上困難重重，收到的只有HR拒絕聘請的消息，令他大感氣餒，形容「開始失去正能量」，經歷引來一眾網民為其打氣及熱議。

即睇事主分享及網民回應：（按圖了解）

+15

+14

事主：今日HR覆唔請加用一堆官腔拒絕我，即時好唔開心。中年失業2個月多，開始無咩正能量，睇咗成朝搵工網，夾硬send咗幾份CV。唉！

網民A：每個人都會經歷高山低谷，閒時增值自己，曬吓太陽，做吓運動，只要繼續行，美好風光等着你。

網民B：試吓去政府機構搵吓啲嘢讀，免費學吓嘢，跟住都會有少少錢畀返你！咩都要試吓，唔好放棄！

網民C：我見咗好多份都話等電話！

網民D：唔好左揀右揀實有得做！

網民E：保安物流飲食清潔等等一般被視為不太體面的工種，即時返工。不過人工低工時長及星期六日輪休等等也是事實。放下身段，一定不會餓死。

網民F：天生我材必有用！信自己！雨過會天晴！

網民G：宜家連地盤工都無位啊！

網民H：兩個月有得見算好，我都搞咗半年先搵到！

網民I：我都等咗半年先有面試，就算有，啲後生同事會排擠你，真有中年危機！

網民J：當休息下，做咗咁多年嘢都要休息！

網民K：我今年58歲，失業都一年，我會將CV 重新整理過，我每日都send 20幾份出去，見工唔多，得兩至三份，但最終而家有份好工！其實好睇你自己想點？你要咩工？想唔想屈就？又或者轉工種？所有都取決於自己，我相信要搵一定可以！但如果你係屬於㨂呢樣揀嗰樣嘅人，咁就無野可以講！

在當前經濟低迷的大環境下，求職市場競爭激烈。許多傳統崗位減少，企業偏好年輕且具備新技能的人才，令中年求職者面臨「中年危機」的壓力。除了技能更新的挑戰，年齡偏大往往也成為企業考慮的因素之一，令求職者在面試過程中遇到更多阻礙。然而，面對困境，保持積極心態、靈活調整求職策略，以及不斷提升自身技能，藉此好好增值自己，終會否極泰來。