【新年職場】收咗上司利市 應否送贈賀禮？網民：專心幫老闆賺錢好過！

農曆新年是香港人最重視的節日，當中最有代表性的習俗可謂派利市，已婚人士會派給親戚朋友；當他們公眾假期後重返職場，作為公司老闆、主管及上司，都會向員工派發利市，多數打工仔都會當面道謝，並講出恭賀說話回敬。

有打工仔就在香港討論區分享自己的想法，指苦惱收到老闆的利市後，應否贈送回禮，網民都紛紛發表自己的想法，「倒不如專心為老闆工作賺錢！」

點圖了解更多事主分享：

+15

+14

「我老細係比較闊綽嘅人，記得上年拆新年利市嗰陣，老闆嗰封係有足足500蚊，我打開嗰吓都嚇咗一跳。最近食飯嗰陣，我就同啲同事傾偈，諗緊如果今年老細又封咁大封利市畀我，我哋係咪應該夾返啲賀禮拎返公司畀老細？本身我哋無送開，都諗緊送唔送畀老細好……」

網民回應：

A/睇吓你老細好唔好

B/如果只係夾少少無乜所謂嘅

C/唔使啩，開工利市

D/我從來都未回過開工利市

E/我過年之前已經送咗蘿蔔糕同年糕畀老細

F/唔使喎！上司畀下屬係應該喎

G/隨心啦，如果真係好大封利市，咪回個禮囉，如果得幾十幾百，就算啦，仲要睇吓佢平時點對同事喎

H/唔使，唔好搵呢啲嘢嚟搞，你畀啲心機，幫老細搵仲好啦，隨時年尾花紅出多啲添

I/吓，乜開工利市都要回禮？

J/禮尚往來幾好，哄得老細開心，以後加人工都有你份

K/開工利市都要回？唔好做壞規矩喎！

L/老細喺公司派，又何必回禮？去佢屋企拜年就話啫

M/無人會做蝕本生意，畀得咁多利市錢你，你識做啦

N/夾就一定夾，但我自己唔會送，有時做細嘅，口講就夠，誠懇啲同老細講，「我會努力工作」

送賀禮給上司可能會犯法？
對於事主應否回禮給上司，網民都有不同的看法，有的指事主這樣做有做壞規矩之嫌，相反有網民就認為與同事一起回禮是必須，又說到有時做下屬的，只要誠懇跟老細說，「我會努力工作」就已經很足夠。

要是事主打算回禮，就要小心會誤墜法網，根據《防止賄賂條例》，若然員工收受利益後與日後業務決定相關，不論金額多寡，即屬違法。而任何私人機構僱員未得所屬機構批准，因執行職務而索取或接受利益，便會觸犯《防止賄賂條例》，提供利益者亦同樣犯法。有時，只要將上司及老闆的好記在心中，在適當的時候作出回報就行。

老闆有沒有權迫員工交出客人給的利市？（點圖了解更多）

+12

+11

即睇10大英文拜年祝賀語：

+6

+5

延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質

有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY

最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤

⏩⏩  需要請人？立即刊登招聘廣告！  ⏪⏪