【團隊合作】有甚麼好處？浪費時間？ 打工仔：大公司簡單嘢都有排傾

招聘廣告會列明對求職者的要求，而「良好的團隊成員」（A good team player）是當中一項常見要求。辦公室內充斥了不同的人，同事背景不盡相同，懂得與人合作是工作重要技能。無疑，小型公司或會要求某位同事「一腳踢」處理某個項目的所有事項，但在大公司工作必須學懂與人合作。

最近，有一名打工仔到香港討論區吐苦水，表示自己從細公司轉職至大公司，但覺得後者工作流程耗時，大感麻煩。

延伸閱讀：【中秋節】公司team building活動係賞月！網民：唔理屋企人要同同事過中秋？

即睇事主分享及網民回應：（按圖了解）

+14

+13

事主：以前細公司，啲嘢一個人一腳踢，一條龍做晒，唔明就直接問呀頭或經理，覺得仲有效率。而家大型公司成日話咩團隊合作精神，明明好簡單嘅嘢都要小組開會傾咗先，又要分工，好嘥時間。仲有試過2個同事，唔啱傾，性格都唔啱，放埋一齊，結果2個炒大鑊，好似街市婆咁對罵。

網民：近年乜鬼都講團隊。
網民：中Point，啲嘢始終都一個人做，交結果就一大班人加簽名上去。
網民：所以我極度討厭以前大學嘅group project。
網民：有啲project係一個人做唔晒嘅。
網民：公司大，要做嘅嘢多，梗係要分工合作先做得晒。1+1大過定細過2，好睇員工心態。
網民：team work大前提係所有同事／隊友實力相當。
網民：大公司個個人都藉口多多，推嚟推去，拖得就拖。
網民：工作有溝通係好事。
網民：成日玩team work，就好似以前讀書分組做project都夾到好辛苦，各人一定有不同意見，有分歧傷感情，有些同事性格火爆啲更會大吵大鬧。
網民：團隊合作有個好處，無一個人係「無咗佢唔得」。細公司，成個A項目一條友跟晒，條友玩嘢就無人跟到，但團隊就唔畀咁嘅情況發生，保證咗公司資產及利益。
網民：如果個project要有幾種skillset，就要有唔同人一齊參與。話事嗰個唔係老細，係project manager，而參與個project嘅人各自有自己嘅老細。
網民：入得大公司，就要預咗要同任何人合作，甚至隨時調team換老細。
網民：時勢變遷，teamwork開始不合時宜，之前話要outgoing，適合同人溝通會吃香啲。但是而家多咗人work from home，開始講要看重內向型工作人員，其生產力、責任心、承擔力比外向型員工高出不少。

團隊保障工作穩定　網民：前提要實力相當
事主發文指大公司流程瑣碎，簡單工作都要開會討論，欠缺效率，另指如團隊成員出現意見分歧則更麻煩。不少網民對此感同身受，同意與人合作的感覺有時頗辛苦，出亂子更會損害同事間感情。其中一名網民認為，工作猶如大學時期的團體研習項目，直言「我極度討厭以前大學嘅group project」，暗示討厭與人合作拖慢工作流程。

每個人擁有不同意見，討論會增加時間，但許多網民提及大公司與細公司有別，項目需要不同領域的專才，不能單靠一個人完成。同時，一個人處理項目會增加風險，若負責人因故而離開企業便難以有人替代，所以有網民指出：「（團隊）保證咗公司資產及利益。」

另有網民提及，團隊合作的前提是要實力相當，否則工作只會落在部分人身上，而其他人只會「拖得就拖」，但工作完成後卻會分一杯羹。有打工仔認為，團隊成員能力不均的情況會增加部分員工的不滿情緒。

為求增加員工向心力，部分公司每年會大搞Team building，但當中活動未必係員工願意去做，網民大數瘋狂經歷，竟有人被公司要求跳海？！（按圖了解）

+12

+11

細公司唔複雜？大公司好福利？網民齊論兩者優劣，究竟佢哋點睇？（按圖了解）

+21

+20

延伸閱讀：【人際關係】打工仔一定要外向、擅長社交？事主：老闆要求我改性格⋯

延伸閱讀：【職場熱話】慘被同事當透明人 連上司last day咗都唔知 網民：正！有糧出冇汗出

延伸閱讀：【職場貼士】5個開會不再浪費時間的方法

⏩⏩  需要請人？立即刊登招聘廣告！  ⏪⏪