Next
【員工福利】老闆為減低員工流失率 打算將花紅分兩期出？
【員工福利】老闆為減低員工流失率 打算將花紅分兩期出？
2022-01-24
接近農曆新年，不少企業都會出花紅（Bonus）慰勞員工一整年的努力，順道取「過肥年」之意。最近有網民在討論區投訴老闆，指他突然宣布將花紅分兩期出，一月出第一期，四月再出餘下金額，引來許多員工不滿。老闆此舉動明顯是想挽留人才，但似乎弄巧反拙，演變成一股離職潮？
延伸閱讀：【良心企業】麥當勞麥麥支持員工 向每人派一千元抗疫利是迎虎年
按圖了解事主不滿：
事主：「辛苦咗成年，諗住年尾公司會唔會有乜表示，點知老細咁玩法。噚日老細叫我哋入房，話知道大家今年都好努力，公司都好想好好多謝大家。不過公司環境唔算好理想，同埋經濟唔穩定，所以打算將花紅分兩期出喎。仲話一定唔會走大家數，只係唔會一次過出畀大家。叫我哋拎住一半先，4月再出另一半，叫大家繼續努力，一齊做好公司！」
「其實公司之前一向都係年尾一次過出，而家無啦啦改兩期。有同事估因為老細驚同事拎完花紅就走人，會覺得公司好蝕，所以用呢招！我心諗如果我係走人，都唔會貪你個半份花紅啦。」
「同埋老細個人好孤寒，同事估佢今年一定借啲意唔會畀得多，但估唔到佢用埋呢招。而家公司好多同事都好不滿，諗住早走早著。雖然我暫時無打算轉工，但如果咁多同事走，我都唔會留低囉。」
網民意見：
網民A：疫情之下公司有花紅出已經好好了，識好多人因為公司倒閉仲未搵到全職工，keep住炒散咋！
網民B：分兩期咪算手鬆囉，我公司第一期先派七成，餘下三成分三年派。
網民C：你試吓同老細講：「咁我啲工作分兩次做得唔得？」
網民D：又唔係咁講，好多人會貪個一半花紅而唔走住，呢個係好聰明嘅方法。不過用呢個方法格硬留住啲人，間公司係咪一間好公司呢？
網民E：咁就算真係走，都係4月就走得，唔覺得樓主算慘。當然明白錢喺自己手先算係自己，等多兩個月啫。
網民F：我哋公司一定係農曆新年出Bonus，老細好傳統話要大家一齊過肥年～
網民G：Bonus話得係Bonus，當然按老細心意決定啦，員工唔鍾意都無辦法。
在就業市場內，企業所提供的薪酬福利，往往成為吸引求職者應徵職位的重要因素。時移世易，年輕世代更重視work life balance，促使公司於招聘工作及制定人才管理政策時，制定更全面的員工福利政策。商業雜誌福布斯（Forbes）的導師協會成員就認為，有幾種員工福利對招聘人才及增加員工投入度均沒有太大幫助︰
延伸閱讀：【職場好同事】64歲打工仔患認知障礙 同事夾份贈送大假助提早退休
延伸閱讀：【職場熱話】上司扮喊留人 挽留不成瞬黑臉 網民：加人工最實際！
延伸閱讀：【職場文化】細公司唔複雜？大公司好福利？網民齊論兩者優劣
如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!