Next
【千奇百怪請假理由】同事請假理由寫「被毛孩威脅」竟獲批准 上司一句說話令員工笑翻
【千奇百怪請假理由】同事請假理由寫「被毛孩威脅」竟獲批准 上司一句說話令員工笑翻
2025-03-19
職場中，請假通常是因個人或家庭的緊急需求，但有網民在社交平台Threads上發文指，有同事以「家中貓咪不讓出門」作為請假的理由，讓人哭笑不得，而上司事後的反應亦令人忍俊不住。事件不僅只是一則趣事，更反映了職場中人性化管理的重要性，以及如何在規範與彈性之間找到平衡，一起來看看事情是怎樣的吧！
按圖睇件事係點：
樓主：今朝早有個同事突然間請假請足全日，個理由係：「我屋企隻貓唔畀我出門口。」老細聽到O晒嘴，即刻打電話去confirm，先知原來係因為天氣太凍，隻貓貓直接瞓咗喺佢身上，眼神仲好堅定咁話：「今日淨係可以陪我。」個同事勁無奈咁講：「佢嘅決定我冇得say no㗎。」老細覆咗句：「好啦。」
我心諗都冇得唔批啦…請AL呢啲嘢，無理由覆佢：「叫你屋企隻貓聽電話。」
晏晝食飯嗰陣，老細靜雞雞咁講咗句：「下次隻貓貓要請假，記得叫佢早啲申請。」
成間office笑到gap gap聲，下晝大家一路做嘢一路諗，「下次到邊個屋企嘅貓貓決定要請假？」
網民A：可惡，冇貓貓就冇藉口射波！
網民B：邊間公司嘅老細咁好人㗎，我都想去見工！
網民C：認真問…係咩工嚟㗎，仲請唔請人？我最近都焗住死頂去返工……如果可以WFH就好喇！
網民D：上次打畀老細話因為啲細路冇人湊，所以請半日，老細覆我：「下次要請假就搞掂晒先，唔好因為呢啲嘢請假！」我都係冇辦法先要請假啫……
網民E：我可以出租我屋企隻貓畀你哋啲同事輪流請假。
網民F：好彩唔係：「咁帶佢返嚟返工！」
網民G：屋企嘅寵物咪即係屋企人囉，有咩問題？
網民H：咁有人情味嘅老細要好好珍惜呀！咁聽貓貓話嘅人類唔多㗎喇。
網民I：祝願呢間公司生意興隆。
這則故事雖然輕鬆有趣，但背後卻值得我們反思：在職場中，如何平衡規範與人性化管理？當員工因特殊原因請假時，主管的回應方式不僅影響員工的工作滿意度，也反映了企業文化的包容性。職場不僅是工作的地方，也是人性與幽默交織的空間，如何在其中找到平衡，正是每位管理者需要深思的課題。
睇埋：打工仔10大最崩潰瞬間排名出爐！
睇埋：想請恩恤假 老細竟然問啲咁嘅問題……
延伸閱讀：【職場趣聞】公司清潔阿姐唔做嘢又成日請假 網民：可能係老闆阿媽嚟
延伸閱讀：【職場熱話】有病應唔應該返工？SL完戴口罩都被同事嫌：咳到好煩呀！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!