【勞工法例】因母親入院昏迷 曠工一日被老細扣人工!佢有冇權咁做?

【勞工法例】因母親入院昏迷 曠工一日被老細扣人工!佢有冇權咁做?

在職場上,偶爾會發生一些意外情況或家庭緊急事件,使得員工不得不請假或曠工。然而,當一位員工因為家庭成員的健康問題而缺席工作時,是否可以被老闆扣減薪水是一個值得關注的問題!

延伸閱讀:【職場熱話】老細月入十幾萬 但Lunch Time竟然去做外賣仔搵外快!網民:可能為興趣

有網民在社交媒體專頁「奴工處」上以「屋企人出事,最後老細話我曠工,扣我一日糧!」為題投稿分享,指自己的老闆非常不近人情!因為事主的母親遇到意外,需要入院,事主為了趕至醫院而提早收鋪,可是老闆卻要扣事主人工……

即睇事主分享及網民回應:(按圖了解)

事主:「我負責睇鋪,一人鋪頭,返工時間收到電話家母撞車入院,當時淨知道昏迷中未有詳細,之後我拉閘自己一個收咗舖仆去醫院先。在的士時打畀老闆話佢知要收鋪先,佢又搵唔到第二個返嚟睇鋪。當晚老闆電話搵返我,因為咁樣損失咗一日生意額,罰我1000蚊曠工!我當晚鬧返轉頭,你試吓依個係你阿媽!你會唔會即刻咁做?然後我話要辭職⋯⋯」

網民:「日薪$1000?如果係嘅話咪扣囉,但如果這個數係多過你嘅日薪,咁同老細講勞工處見。」
網民:「我曾經就扣人工呢樣嘢咨詢過勞工處,佢哋話僱主只可以因應你唔係崗位嘅時間按時薪去扣唔可以多,建議你搵勞工處了解吓,同埋記得留Record,例如CCTV片,由你返工到離開舖頭一刻,仲有同腦細嘅對話記錄。」
網民:「自己阿媽緊要過返工!工冇咗可以再搵過,阿媽得一個!支持辭職!」
網民:「冷靜啲,處理好家人先。員工缺勤被人扣人工,法例是可以,但扣超過當時人工就是犯法,因為1000蚊畀人告,又冇咗個伙計,等個老闆自己計吓啦。」
網民:「家人永遠排第一,照顧好家人先,之後再搵過。」
網民:「一定係阿媽緊要過返工!最多只可以扣一日人工+賠300損失?扣多可以勞工處見。」
網民:「有返到工,點算礦工?最多話你早退!」
網民:「個老闆咁衰,梗係照返工啦,打開門唔做生意咪得囉!」
網民:「只能扣當日人工, 有通知唔算曠工。」
網民:「成件事根本唔使諗,絕對阿媽行先!只需諗吓之後點應對呢個老細便可。」
網民:「你老闆係咪冇屋企人?不過點都好啦,辭職唔做係最明智嘅決定!」
網民:「我爸出殯嗰日,我老闆仲WhatsApp叫我做嘢同返工,最後我辭職唔做,冇人性。」
網民:「根據條例你老細又冇錯嘅,知但係太過不近人情,最多咪扣一日大假,一人舖頭係咁㗎啦,不過呢啲老細唔幫佢做都罷囉!」

老闆扣薪可以扣幾多?
根據《僱傭條例》僱主只可在下列情況下扣除僱員的工資:

1. 僱員缺勤,但只能扣除實際缺勤時間的工資;  
2. 僱員因疏忽或失職而損壞或遺失僱主的貨品、設備或財產,每次只可按值扣除,但以不超過$ 300爲限。此外,在這些情況下扣除的工資總額,亦不得超過僱員該工資期所得工資的四分之一;  
3. 僱主預支或多付給僱員的工資,可按數扣除,但不得超過僱員該工資期工資的四分之一;  
4. 僱主供應給僱員的膳食及住宿費用,可按值扣除;  
5. 若僱員以書面提出要求,僱主可在工資中扣除代僱員繳交的退休計劃、公積金計劃、離職金計劃、醫療福利計劃或儲蓄計劃的供款;  
6. 僱主借給僱員的款項,但必須獲得僱員的書面同意;  
7. 若僱主在僱員提供所需文件前已支付侍產假薪酬予僱員,但僱員在放取首天侍產假後的三個月內或離職時仍沒有向僱主提供所需文件,僱主可從僱員工資中扣回已發放的侍產假薪酬; 
8. 僱主根據任何法例的規定或獲法例授權,可扣除僱員的工資;  
9. 僱主可以根據法院發出的扣押入息令從僱員的工資中扣除僱員尚未支付的贍養費。  

*僱主須優先扣除上列第(1)至(8)項後,才扣除第(9)項目。  

除非得到勞工處處長的書面批准,否則各項扣除的工資總額,不得超過僱員在該工資期所得工資的一半(因缺勤及未付贍養費而扣除的薪酬除外)。

*而因僱員缺勤而扣薪的話,根據僱傭合約的工資是按時計酬者,則因缺勤而扣除的工資,不得超過與該僱員缺勤時間成比例的款額;僱主不得扣除僱員工資以抵銷或部分抵銷已付給或可能付給或可能有責任付給該僱員的假日薪酬或疾病津貼;

僱主如非法扣除工資,可被檢控,一經定罪,最高可被罰款10萬元及監禁1年。

(資料參考:勞工處電子版香港法例

 

 

延伸閱讀:【職場熱話】老細月入十幾萬 但Lunch Time竟然去做外賣仔搵外快!網民:可能為興趣

延伸閱讀:【職場英語】一文睇清交友App常見英文單字 FWB、Ghost、NSA係咩意思?
延伸閱讀:【職場熱話】返工唔開心因為自己冇OO?網民:有OO返工都一樣會唔開心
延伸閱讀:【返工血淚史】逾7成打工仔喺搭車時補眠?票選最好瞓交通工具!仲好瞓過床?


最新專訪片︰

【金像獎背後】憑《年少日記》獲多個獎項提名 編劇、導演卓亦謙:時刻提醒自己不要心高氣傲!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】出糧出少一毫子都去同老細理論!網民:欣賞佢為自己爭取!

  • 【2025勞工法例丨試用期需知】Probation內可唔可以請病假?放假會扣糧?畢業生必知的試用期3件事 免受僱主剝削

  • 【求職天書|面試問題攻略】見工被問上一份工離職原因 6大模範答案得HR歡心(內附提升面試成功率方法)

  • 【工作效率】公司應唔應該有SOP?係捉員工錯處定保障員工?

  • 【職場貼士】矛盾大對決 硬技能vs軟技能 邊一種可以令你搵多啲錢?

  • 【求職攻略】每4人中有1人試過搵工焦慮 6個方法幫你克服求職負面情緒

  • 【辭職學問】辭職畀上司揶揄係想加人工 網民:係又點?加完再辭囉!

  • 【工作效率】好少坐喺辦公桌嘅同事 點解效率驚人?唔好畀地點限制你對工時嘅想像!

  • 【員工管理】被新下屬反咬 上司上一課:唔好太相信「人性本善」

  • 【加薪實戰】前Google專家教路:咁講令老细即加20%人工!三招傾人工秘技即學即用

刊登招聘廣告

We use cookies to enhance your experience on our website. Please read and confirm your agreement to our Privacy Policy and Terms and Conditions before continue to browse our website.

Read and Agreed
;
Follow CTgoodjobs for the latest career news, hot topics and recommended jobs!
Maybe Later Follow