【中年危機】人到中年越嚟越怕見工！每次見工都會畀HR質疑網民：好多公司見你年紀大就會質疑你能力方便壓價

2024-05-29

打工仔為追求更好的薪酬待遇，都會選擇轉工尋求新的機遇。不過，一旦打工仔步入40歲的年紀，即使自身的工作能力或條件不錯，不少公司都會因年齡太大而有所卻步，繼而為自己失去競爭力而感到失落。

有網民於香港討論區發文，表示打工仔人到中年就會越來越害怕求職面試，每次面試都會遭到面試官質疑其能力，因而感到無比的挫敗感，嘆自己因年齡的增長導致失去競爭力。

延伸閱讀：【職場理財】盤點20至50歲4大理財錯誤　研究：人去到ＯＯ歲數最識理財

按圖了解網民回應：

+14

+13

事主：而家40幾歲，發覺人到中年，真係越嚟越怕見工！每次見工都會畀啲HR質疑，每年又有班大學生畢業搵工，好多公司都會優先請佢哋，覺得自己喺市場上無晒競爭力……

網民A：年紀越大，議價能力就越低！

網民B：啲HR見到你過40歲或以上，就算份工無咩人見，都唔會想請你。

網民C：有時覺得即使上咗年紀，都要保養吓自己個樣，至少會多個機會。好多時見工根本係畀HR望吓你個樣，畀佢感受吓你係咪正常人、談吐同語氣。

網民D：好多中年其實已經係部分人嘅退休年齡，唔使太介懷！

網民E：好多公司就係知你年紀大，會叫你上去見工，有啲老闆好鍾意踩人一腳，令到見工者覺得自己人生好失敗，從中攞到優越感。

網民F：其實唔使人到中年先會怕見工，幾多歲都會驚見工呢件事。

網民G：除非你有好強嘅工作能力或者背景，否則好工又點會留畀中年人。返份無聊嘅工準備退休生活算啦。

網民H：幾多歲都係，識人好過識字。

網民I：如果你唔係啲專業人士，其實做保安幾好，輕輕鬆鬆，同你一齊見工嘅都會係啲上咗年紀嘅人。

網民J：人到中年，如果理財得當嘅話，應該都會儲落一筆錢，可以keep住搵被動收入，咁樣見工就唔會有太多壓力。

網民K：普遍職場文化都係咁，同你工作能力無關。無上司會想請一個年紀大過自己嘅人做下屬，因為會怕個下屬唔聽佢講，佢哋情願請一個聽教聽話嘅小朋友，因為可以畀到安全感啲上司。基本上文職只要去到3、40歲以上就會喺市場上失去競力，你不如考慮吓轉行？

延伸閱讀：【人生意義】人到中年失去目標？每日混混噩噩打工仔：心入面團火已經熄哂

不少網民都紛紛安慰事主，表示不少每年市場都有不少畢業生投入職場，眾多公司都會為求企業有更良好的發展而優先聘請他們，導致年紀較大的人士難以尋找工作，網民亦為事主無需太介懷，指出總有公司願意聘請中年人士。有部分網民指出中年人士一般想任職文職工作都較為困難，因此建議事主可以另覓出路，到僱員再培訓局報讀進修課程，增加轉行機會，提高自身的競爭力。

延伸閲讀：【職場貼士】擔心年輕一代上位淘汰自己？給8、90後打工仔的5個貼士！

按圖即看40歲後要學懂的職場智慧：

+18

+17