【辭職得把口】周圍唱自己有Offer準備Resign！做埋Handover但都未走？事主：真係職場笑話！

CT熱話管理員

Published: 2025-11-30 16:00

Updated: 2025-11-30 16:00

職場上，打工仔會遇到各式各樣的人。經常將「辭職」掛在嘴邊的同事就是其中之一，他們喜歡告訴其他人自己將會離職，卻一直留在公司。有打工仔在Threads發文講述見聞，指公司有同事到處説自己準備辭職，移交工作予其他同事後，仍一直在公司，事主不禁表示：「真的是職場笑話。」

點圖了解更多事主分享：

+14

+13

事主：「笑死，真係職場笑話。嗰個同事8月已經話要Resign，話一有Offer即走，Handover晒所有嘢。Workload等於Adviser咁，冇新嘢要學，冇鑊要孭，11點出街食Lunch食到2點，而家就嚟聖誕，佢仲喺度。」網民回應： A.我同事15年前話自己就退休，老細搵人接手晒佢啲嘢，結果15年過去，佢仲喺度。 B.我都聽過有人食回頭草返公司幫手收拾爛攤子，執完就走㗎啦，真係好偉大呀。跟住日日遲到早退大大聲話自己好快辭職㗎啦，叫佢做嘢就唔做，個口話好忙好辛苦。話咁快一個月又一個月，佢依然存在。 C.咩職位咁好？可以連走個日都未定。D.未resign已經可以自主handover走job duty走咁犀利？

E.冇offer都玩到咁高調，唔係傻嘅都冇人信。

F.你覺得係笑話，佢先係最smart嗰個。

G.結局一定係你走佢都未走，don’t take it serious。

H.到底係廢到冇公司要佢，定其實佢從來都冇搵過工。

I.如果個workload可以咁樣持續，我話自己resign講10年繼續留喺度又點話。

J.成日話辭職嘅人，幾年都喺度，真係走嘅人，係唔會講。

K.奉勸各位，中年失業，唔好怨人。自己拆自己招牌，中年畀人兜，舊同事老細知你乜料，到時唔好怨。有感而發，我每份工都係有人賞識，挖角嘅。

L.笑死，我都識過呢類人，話走話走，成村人走晒佢都仲未走，又話公司黐線。

M.Handover 邊個接，遞咗信先好轉手啦。

N.咁handover晒就叫佢走得啦，仲使咩畀佢喺度hea。

O.羨慕呢啲人，面皮十尺厚。

網民聽畢事主的見聞，都紛紛講述個人經歷，指曾經遇上經常將辭職掛在口邊的同事，有人指同事15年前已經提退休，可是到現在仍在公司。有網民指不理解事主的同事，為何沒有Offer都可以如此高調，亦有人嘲笑指分不清到底是事主的同事能力太差沒有公司想聘請他，還是那位同事從來沒有找過工作。或許經常把辭職掛在口邊，以退為進是幫助自己更上一層樓的表現，但這是不成熟的表現，會影響別人對你的看法，更可能得不償失，最好還是別要嘗試。

跳草裙舞卻不被挽留？（點圖了解更多）

+13

+12