【見工面試】見工被人碎咗張畢業證書 事主:有無得叫佢賠錢?

【見工面試】見工被人碎咗張畢業證書 事主:有無得叫佢賠錢?

見工面試的奇聞怪事屢見不鮮,打尖面試、面試官態度輕浮等情況都時有發生,但又有否聽聞過HR同事差點令求職者失去學歷證明?有網民於香港討論區發文討論,指自己於見工面試的時候將學歷證明、工作證明等相關文件給予HR同事影印留底,無奈等待過後得悉畢業證書竟被誤碎。雖然對方嘗試將損毀的畢業證書重新拼貼,但始終證書損毀嚴重,留下肉眼清晰可見的痕跡,而更令人着急的是事主之後需要到其他公司進行面試,臨時臨急之下應該如何處理證書損毀問題?

即睇事主經歷:(按圖了解)

事主:噚日去見工,HR都有提我帶基本見工要帶嘅文件,好似學歷證明、工作證明、身份證嗰啲⋯⋯

事主:見工過程都好順利,去到最後HR話要拎我啲文件去影印。等咗好耐,HR先返嚟話我知,佢唔小心將我張畢業證書拎咗去碎紙機度碎。

事主:佢仲搵返晒啲紙碎出嚟,幫我黐返好咁畀我。

事主:但爛咗就係爛咗,就算黐咗都好,一眼就睇得出係爛嘅⋯⋯

事主:最慘就係之後仲有幾間公司等緊我去Interview,到時無畢業證書帶去見工點算呀?

事主:我依家都唔知點算好⋯⋯有無得叫佢賠錢?

即睇網民回覆:(按圖了解)

網民:佢請咗你咪唔使再去其他公司見工囉!

網民:賠錢都無乜意思,見工嗰陣你都唔知學校會收幾多畢業證書補領費;同埋離開咗公司之後,你覺得人哋會認數?

網民:用住成績表去其他公司面試先囉,同人哋講「證書後補」都應該無問題。

網民:下次記得自己影印定相關文件,正本可以畀佢現場睇,影印本就畀佢做存檔。唔好為咗慳嗰$2等HR幫你影印,試過畀佢地影印,最後Jam紙搞到份正本摺皺咗。

網民:我都試過以前份工作合約被人印爛咗⋯⋯

網民:咁你話佢知,「我以後都唔使旨意搵到工喇,你養埋我下半世都得啦!」

網民:定啦!公司請你唔係請你張畢業證書,叫呢間公司用公司信寫明情況,搵負責人簽紙證明,之後Interview都帶埋封信。

網民:乜見工唔係要自己準備定副本㗎咩?點會畀正本人哋拎走?

網民:我公司部碎紙機唔係碎到一條條 ,而係碎到大約2mm × 10mm大小,基本上碎咗嘅紙係唔會砌得返。

網民:奉勸各位見工嘅時候最好影印畢業證書畀人,正本千祈唔好帶出去。

 

上述情況雖然難以預計,但其實尚有萬全的事前準備方法可以避免。不少網民都奉勸事主經一事長一智,下次得悉將會進行面試時,應該事前在家準備好畢業證書等相關文件的副本,面試時將副本給予對方存檔,正本則只限過目,避免正本文件離開自己視線範圍而遭意外損毀。

見工面試點樣表現自己?即睇5個方法幫你喺面試展現領導才能:(按圖了解)

即刻按圖了解更多見工面試趣聞貼士!(按圖了解)

延伸閱讀︰【見工面試】求職者見工時送上$XXXX大利市作賄賂 HR:佢到底發生過什麼事?

延伸閱讀︰【見工面試】第三輪面試後竟被HR拉入Group Chat?事主:佢話價低者得!

延伸閱讀︰【見工面試】4個克服Interview緊張情緒嘅貼士

延伸閱讀︰【見工面試】真係突然唔得閒 點樣同面試官講取消面試先啱?


最新專訪片︰

【星級斜槓族】Win Win楊安妮無悔拒入COLLAR 感恩可平衡藝人及跳舞老師兩個身分 報名《造星IV》時竟向193示愛?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【香港夜繽紛】「放工」越夜越着數 ? 免費搭車有優惠 打工仔:啱晒我OT

  • 【電子支付|電子錢包優點缺點|6大電子錢包功能比較|無現金趨勢】用現金畀錢被嘲落後 同事:依家個個都用電子支付㗎啦!

  • 【辦公室蛇王】返工瞓覺畀老細發現 打工仔:即時解僱好不近人情

  • 【職場文化】連遭90後求職者Take完Offer後失蹤 樓主怒轟:呢班人究竟係乜嘢心態?

  • 【職場貼士】工作程序複雜到記唔晒? 學識3個抄Notes秘訣做嘢唔再丟三落四!

  • 【職場八卦】遇鬼剃頭被老闆當眾要求轉髮型 班同事聽完仲喺度忍笑⋯⋯

  • 【職場八卦】老闆抱怨下屬人工過高 事主:「見工嗰陣逼你應承㗎?」

  • 【職場文化】邊個話返新工第一日唔好帶飯? 事主:成Team同事都帶飯搞到要買外賣!

  • 【職涯諮詢師】職涯規劃都有人教?大學生尋找職涯諮詢師協助的4個好處

  • 【第一桶金】人生第一次出糧試過買咩獎勵自己? 網民驚爆:最豪嗰次真係試過買條OO⋯⋯

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow