【見工面試】求職者提出1問題 HR竟然即刻黑面?「你以後去其他公司唔好再問!」

【見工面試】求職者提出1問題 HR竟然即刻黑面?「你以後去其他公司唔好再問!」

結束求職面試前,應徵公司的人力資源從業員(HR)都會向求職者問:「有甚麼問題想問?」從而了解他對公司好奇的地方,具體地告訴他職位的實際運作。不過,並非所有問題,HR都會無任歡迎。

有台灣求職者在網上討論區Dcard分享個人經歷,指自己在面試後向HR發問,對方竟然馬上「黑面」,更勸喻求職者:「你到其他公司不要再問這問題!」

點圖了解更多事主分享:

事主:「大家去面試會唔會問HR,原本做呢個Post嘅人,點解會唔做?今日我去Interview咁問,個HR面都黑埋,仲話叫我以後去其他公司都唔好咁問喎!咁樣好容易影響我自己嘅想法,同埋會有偏見。畀佢咁兇完,睇嚟呢間公司都係無望,唔使諗佢會請我。」

網民回應:

A/我會問喎!而且我覺得呢個問題好重要!但問法會係「想問點解會有這個職位空缺產生?係咪因為擴展部門?」

B/吓,點解HR可以問我點解唔做,我就唔可以問上手點解走?

C/我問過,HR答我因為佢要返去繼承家業,我一臉問號,原來上手有錢過個老闆,係千金小姐出嚟體驗民間疾苦。

D/講真其實點解你要問?問嚟咪又係白問,你點問都唔會得到真正嘅答案,何必多此一舉?

HR見嘅人實多過你去見工,有內情都唔會畀你套到。

當你問「點解會有這個職位產生?」嚟嚟去去都係得嗰兩個答案:(1)公司擴編需要增加人手。(2)公司人事異動,空出職缺。(唔使講到明,即係有人離職或者調職)

你都從自己角度諗吓,你自己離職都唔會同HR講真正原因,HR又點會講?

E/其實佢In你時,你都In緊佢,我覺得如果連咁都問唔到,間公司唔好得去邊。

F/我就唔會問,人人狀況都唔同,但要有心理準備好嘅位已經畀人搶走,工換嚟換去,又係喺一般嘅工之中搵一份嚟做。

G/咁聽落個HR EQ唔係幾好,就算你請我都唔想去,感覺公司文化麻麻。

事主的分享引發網民熱烈討論,意見分成兩派,有人認為事主這樣問是理所當然的事,全因公司與你進行面試,同時你亦正在評估公司是否適合自己。有網民不禁反問:「為甚麼公司可以問我離職的理由,而公司不可回答我這個問題?」相反,有人就坦言在面試上,沒有人會說真話,HR也不會中圈套透露真相,為甚麼要這樣問。

網民建議事主,假如真的好奇這個問題,可以婉轉詢問HR「想了解這個職位空缺怎麼產生的?」對方普遍會回答:(1)公司擴編需要增加人手。(2)公司人事異動,空出職缺。求職者可以從答案中得知,(2)是代表職位有人離職或調職。

被問「公司為甚麼要請你?」最好怎樣回答?(點圖了解更多)

即睇問甚麼問題才是最得體:

延伸閱讀:【職場英語】7大職場用語你要識!「Chair a meeting」、「Reshuffle」又點解?
延伸閱讀:【職場理財】自覺理財不遂 有可能理財能力比想像中好!5個理財指標 判斷財務健康與否!
延伸閱讀:【職場溝通】到職1周被上司「照肺」 全因1個理由!打工仔:點解要請我?
延伸閱讀:【職場文化】同事學歷低、工作少、年資少 但人工竟然高過自己!


最新專訪片︰

【金像獎背後】憑《年少日記》獲多個獎項提名 編劇、導演卓亦謙:時刻提醒自己不要心高氣傲!

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】見工都失敗!全因求職者1舉動?網民:難怪3個月見10間公司冇人請⋯⋯

  • 【面試攻略】被問「有冇In其他公司?」 可能係show off機會?專家教你應該咁答!

  • 【見工面試攻略2024】Interview失敗率高原來有得睇?15個跡象分析面試官/HR對你有冇興趣 一文睇埋見工面試天書!

  • 【跟進電郵|範例】見工後怕被HR忘記!Follow-up email寫咩好?內附4種例子!

  • 【求職面試】搵工變容易?逾2成人求職1個月即成功!Apply咁多份工即收Offer?

  • 【見工面試】面試以為對方問你「職涯目標」好易答?你分分鐘中咗陷阱都唔知!

  • 【見工面試】禮貌取消面試 反而畀HR鬧?事主嘆:揀公司真係要小心啲!

  • 【推薦信|範例】Reference Letter有咩關鍵字?推薦信形容詞懶人包!助你搵工一擊即中!

  • 【Z世代】求職信一字不漏照抄?職業顧問:年輕求職者濫用AI!

  • 【加薪談判技巧】收到Offer點問加人工?做Appraisal想爭取加薪?教你10個加薪tips大大提升成功率!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow