【職場辛酸史】家族小企業好麻煩?打工仔齊數:外人最多嘢做

【職場辛酸史】家族小企業好麻煩?打工仔齊數:外人最多嘢做

進入大企業還是小企業,每個打工仔各有其偏好,不少人愛到大企業工作是因為薪酬福利較好,而工作分配、架構等都有規有距。話雖如此,中小企仍聘請了香港約45%於私營機構工作的打工仔。家族生意是其中一類主要的小型企業,公司主要人員均屬同一家庭,最近有名打工仔到「香港討論區」發文,指自己不願意再到家族小企業工作,竟惹起眾網民數算相關企業大大小小的問題。

延伸閱讀:【職場熱話】返工遇極品上司感無助 事主:唔識要問離咗職嘅同事
延伸閱讀:【職場熱話】同事要求合群叫貴價外賣 網民:不如去廁所都一齊

即睇網民討論:(按圖了解)

發文者:試過一次真係好驚,而家最怕入到啲有皇親國戚公司打工。

網民:家族企業真係特別複雜……
網民:我都試過,班親戚做嘢會夾埋一齊。
網民:皇親國戚唔緊要,廢嗰下先慘。
網民:成班親戚簡直係king of口臭!
網民:做乜都指手劃腳,一唔鍾意即刻同老闆告狀,做唔到嘢兼留低啲蘇州屎。
網民:我極度同意,10年前個我公司新CEO帶個世姪入公司,然後我就被炒了。
網民:皇親國戚唔使點做,做死班細,超明。
網民:仲有班皇親國戚身邊嘅跟尾狗,都係做得少同等收工。
網民:我地啲嘢又做最多,想走又唔畀人走,做得太辛苦,但佢哋又唔會同你做咁多。
網民:我朋友去一間傢俬公司貨倉打工,工人就有幾個,一個係老細舅父,一個係阿叔,另一個又係老表,結果搬重嘢次次都係叫佢。
網民:細公司的確多呢啲喎,我都入過幾間,都係麻煩多,人哋睇職位高低面色已經辛苦。新入職仲要睇你家族輩份面色,最大粒個總經理都未必大過你家族二打六,當人係你家傭咩?係公司嚟講,職位大過你㗎!有啲太子,年紀輕輕但態度對夥計都好大架子。
網民:呢類公司真係好麻煩,其實人工應該多3成!
網民:其實做緊嗰陣都無嘢,到離職先畀佢玩,真係好衰。
網民:太子爺嘅idea,個個要跟足,雖然知唔work但無人敢反,結果真係唔work,條真數唔靚,要我哋解釋點解唔work。

親疏有別問題明顯 網民:麻煩工作由外人做

小型企業員工不多,難以進行精細分工,而決策者往往是老闆本人,員工甚少能左右公司決策,容易造成「一言堂」。不少網民認為家族營運的模式更令這種專制推向極端,因為會有更聲音支持無理決策,有留言指:「班親戚做嘢會夾埋一齊」。

許多打工仔亦指出,家族企業十分有階級觀念,尤其親疏有別的問題特別嚴重。某網民提及到貨倉上班的經驗,工人只有數名,卻全都是「皇親國戚」,只有自己屬一名外人,所以任何最重的物件也是自己負責搬運。

另有人認為,家族企業的架構會令員工不敢發聲,甚至會經常出現誤判的情況,例如有一網民指:「太子爺嘅idea,個個要跟足,雖然知唔work但無人敢反。」該網民補充,最麻煩的事非跟足皇族指令,而是指令出錯時,「要我哋解釋點解唔work」。 

細公司唔複雜?大公司好福利?一齊睇網民點樣評論兩者優劣!(按圖了解)

 

延伸閱讀:【職場熱話】同事因教打工仔做嘢崩潰!事主:每日被「怒睥」係咪應該辭職?
延伸閱讀:【職場熱話】打工仔慘呻發夢都返緊工 網民:仲唔快啲辭職!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【Appraisal丨例句丨中英對照2024】35句實用句式大全 打工仔自我評估、上司填Form無難度

  • 【職場文化】睇個位就知公司對員工好唔好?網民一致贊成坐OOO最差

  • 【職場熱話】公司有特殊請假規矩 網民:好唔人性化……

  • 【職場趨勢】重返辦公室企業好頭痛?請禮儀導師培訓員工!連Send Email都要教?

  • 【職場關係】人見人惡!嚴選6大犯眾憎同事!網民最討厭呢種人⋯⋯

  • 【農曆新年】打工仔繼除夕後年三十又無得收早?HR今次咁答我

  • 【職場扮工】7成CEO扮識AI!為趕上潮流?管理層:「仿佛自己是一個騙子」

  • 【薪酬趨勢2024】人工過$2萬嘅行業係?8大行業主類劃分的平均每月薪金!

  • 【見工面試】同一間公司10次面試都失敗!求職者百思不解!網民推測1個關鍵原因!

  • 【45歲提早退休】過來人分享6個辭職前必備條件!心態比儲蓄數字更重要?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow