【職場熱話】見工間公司不允許外出食飯 事主:因為食飯問題拒絕Offer係咪好傻?

【職場熱話】見工間公司不允許外出食飯 事主:因為食飯問題拒絕Offer係咪好傻?

中午食飯時間多數都佔員工1小時,不少打工仔都特別珍惜這個時間,但當公司有規定食飯地點,可能會令員工煩惱。有網民在香港討論區發文,表示早前應徵一間珠寶工作,並成功獲聘。然而在面試中,HR指公司注重安全問題,禁止員工外出食飯,亦不建議叫外賣。由於事主沒有帶飯的習慣,這個意外的規則令他不知所措,困惑的他向網民問道:「因為食飯問題,而唔take呢個offer會唔會好傻?」

延伸閱讀︰【職場文化】為咗唔同同事食飯 每日放工幾攰都整定飯盒 網民認同:遠離是非lunch!

按圖了解事主、網民分享:

事主:「早2日去咗間公司interview,呢間公司係賣珠寶,好多貨都會放喺公司入面。見工時HR講因為安全問題,所以公司唔畀員工出去食午飯,佢話現時公司嘅同事都係自己帶飯返工。

當時佢問我有冇問題,我都話冇問題,但其實我係一個人住又唔識煮飯、唔煮飯嘅人。見完之後,我喺度諗呢份工其實啱唔啱我?今朝佢畀咗offer我,但我問返HR如果叫外賣佢哋OK唔OK?佢都話唔建議,我話我想要少少時間再覆返佢,你哋覺得我因為食飯問題,而唔take呢個offer會唔會好傻?」

網民A:連lunch都唔畀出去唞吓氣,多多人工我都唔會做。

網民B:算吧!搵份有得出去食lunch嘅工唔會好難。

網民C:我做過珠寶公司,每日都可以出去吃lunch喎!

網民D:如果窮到無錢開飯就做住先啦。8個鐘就捱住唔食,十個鐘就難頂啲。

網民E:好明顯係呢間公司先係咁啦,我以前都做過幾間珠寶公司。真係傻傻哋,叫外賣都好似要得到佢允許。

網民F:一定要煮飯咩?就算屋企有煮開,都有機會無煮,或者留唔到飯㗎。除非佢公司包飯,否則呢個要求完全唔合理。

網民G:搵過第二份好過,萬一啲屋企人出街食飯唔煮飯,未冇飯帶!唔通呢間公司啲員工都要配合個政策?呢間公司個老闆都唔知諗咩嘢。

網民H:中午唔畀出去食飯,咁會唔會連出去買吓嘢、去吓銀行搞啲嘢之類都唔畀?

網民I:就算間公司包午餐食,我都要啲時間出去行吓,畀我都唔會take!除非人工好高,包埋困你喺公司lunch嘅1個鐘。不過講真返成日工,中間無得出去放吓風、散心、吹吓水,都唔會做得長……

網民J:如果為咗符合呢個咁刻薄嘅要求,咁唯有收工後買盒飯,倒落個玻璃盒,返工帶埋去叮。

網民K:我以前都做過大型珠寶店,當時可以畀人出去食lunch,亦可以月頭畀一筆錢搭夥食,但係就會同啲老嘢一齊食囉。我梗係出去食啦,日日對住班老嘢仲唔夠皮咩。不過你講到話唔畀人出去食lunch,係驚你夾帶私逃,但唔提供午膳,連叫外賣都唔畀,出手低啲喎。咁驚嘅話,不如一個伙記都唔好請,全部用AI做咪得囉。

對於該公司的規則,不少網民表示震驚,更有同行指聞所未聞。他們認為這間珠寶公司要求太刻薄,中午不能外出無疑令員工自由度大減,支持事主不要簽約。

為了工作需要或維持專業形象,一些公司都會限制用膳地點,以免氣味殘留,影響公司形象。根據《僱傭條例》,目前並無條文規管僱員的用膳或休息地點。雖然沒有違法,不過香港大多數打工仔都享有較自由的中午時間,如果太多限制,老闆亦很難請到員工。

延伸閱讀︰【職場熱話】公司女同事Office賺外快 賣$50自家製日式飯盒 事主:健康又抵食!

【職場熱話】打工仔lunchtime返屋企補眠 竟遭上司訓斥 「有突發嘢搵唔到你點算?」

延伸閱讀︰【職場熱話】日本公務員午休前叮飯188次 被當擅離職守

【職場熱話】飯盒成日畀人拎咗去食 HR又唔理 可以點算好?網民獻妙計!


最新專訪片︰

【星級斜槓族】Deep吳浩康為養家任地盤工人 消息衝出香港卻大呼諷刺 認為夢想與現實應並存︰「追夢唔需要捱肚餓!」

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場趨勢】88%打工仔返工會用AI 逾6成半僱主唔請缺乏AI技能員工

  • 【職場熱話】斥同事雙重標準 打工仔4個月轉7間公司 網民:想搵正常職場環境嘅工難過登天

  • 【打工仔辛酸】打工仔請病假 老細即刻話要review工作表現?事主大嘆:點解返工請病假好似有罪咁?

  • 【面試攻略】見工被問上一份工離職原因 6大模範答案得HR歡心

  • 【會計熱話】Big4有機會變Big3?Big4行業人工、工時同出路好過以前?一文睇清2024年最新big4薪金、工時同發展前景

  • 【職場熱話】對工作失去熱情可以點做?網民:望吓個戶口 即刻有返熱情!

  • 【員工薪酬】打工仔希望今年加薪5.6% 三分一人意欲轉工?中小企挽留人才關鍵係?

  • 【MBTI】16型人格邊個最高抗壓能力?唔怕畀老細鬧 職場「襟撈王」!

  • 【辭職學問】上司唔肯寫reference letter畀下屬 搞喊同事!網民:其實有OOOO咪夠!

  • 【職場熱話】新工試用期只有1個月合理? 求職者:未來上司話我好適合份工……

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow