【職場熱話】老細飲大咗話想包養女下屬 辭職定告佢騷擾好？

職場的感情事，有時原來真的如劇集般混亂，現實中同樣有很多令人嘖嘖稱奇的個案。而如果對你做出騷擾行為的是老闆本人，那是不是只有辭職這個選擇？

延伸閱讀：Speed Dating定用交友App好？ 最多單身職業係工程師、醫生……

有網民在討論區Dcard上發文分享，指原本對自己工作的公司很有期望，工作了一年多並期待可以升職加薪，在公司中有長遠的發展。可是，最近老闆對她的行為好像有點異樣，例如單對單開會，更出言試探，指女事主其實可以不用工作，找個有錢人包養不就可以了嗎？令事主感到大為震驚…… 

+12

+11

事主：「真人真事，我喺呢間公司做PR做咗成年，老細同我哋關係幾好，一直都無乜特別。」 

事主：「但呢幾個月開始，老細成日特登同我開啲1on1嘅會，但個會其實係多餘，完全係無嘢搵嘢嚟開，收咗工佢仲會WhatsApp我傾偈、關心我。」 

事主：「我原本以為，呢鋪掂喇！要上位喇！但前排佢係咁約我出嚟食飯，仲問我，點解生到咁靚女仲要做嘢，搵個有錢人包咪得。」 

事主：「到咗琴晚，老細叫晒我哋成班PR上去食飯，因為老闆娘同個仔都唔喺度，咁我哋成班同事一齊上咗去老細度食飯。」 

事主：「點知老細飲大咗，佢話：『xxx你禮拜一唔好返工喇，以後我畀錢你使！』癡線！班同事聽到嗰下即刻你眼望我眼！」 

事主：「成個department喺晒度，我完全唔知畀咩反應，我淨係可以笑笑口咁話：『老細你飲多咗喇 。』」

事主：「我係咁同啲同事講叫佢哋唔好誤會，咁如是者，我今朝起身其實都冇咗件事㗎喇。」 

事主：「點知我見到老細WhatsApp我：『琴晚我是認真的，你下半世不用咁辛苦喇！」 做乜嘢！ 我嘅訴求係返工，畀我做返個普通人啦！」

網民：「quit得，就算你避到老細，啲同事對你一定有偏見。」

網民：「算啦，社會上好多呢啲case，之前識一個朋友都係咁，做咗幾個月就畀個老細包起咗。」

網民：「你有冇男朋友？話有對象咪得？同埋問得你都未必係第一個啦。」

網民：「樓主喺佢用職權騷擾你之前快啲走，如果你想畀佢包就當我冇講過。」

網民：「傻架咩！梗係去平機會、勞工處投訴等賠償啦！反正佢咁講完，呢間公司你都做唔到落去㗎啦。」

網民：「難搞嘅係就算你而家升職，啲同事暗地裏可能都以為係因為你做咗二奶。」

網民：「快啲搵工轉啦，我怕你老闆遲啲濫用職權性騷擾你啊，仲有公司總會有三姑六婆作故仔，閒言閒語都好傷人㗎，有啲嘢唔係你行得正、企得正就控制到。」

辭職還是告他騷擾？
雖有網民開玩笑說這是上位的好機會，不過其實大家都知道面對如此狀況，其實實在難以再在公司工作下去。有網民表示：「難搞嘅係就算你而家升職，啲同事暗地裏可能都以為係因為你做咗二奶。」、「快啲搵工轉啦，我怕你老闆遲啲濫用職權性騷擾你啊，仲有公司總會有三姑六婆作故仔，閒言閒語都好傷人㗎，有啲嘢唔係你行得正、企得正就控制到。」勸事主快點轉工以解決事件。

不過亦有網民認為走之前要先告老細！他們指：「傻架咩！梗係去平機會、勞工處投訴等賠償啦！反正佢咁講完，呢間公司你都做唔到落去㗎啦。」不過於提告前，最好要收集有利的實質證據。

延伸閱讀：Speed Dating定用交友App好？ 最多單身職業係工程師、醫生……

延伸閱讀：Speed Dating活動種類多 整蛋糕、郊遊 最受歡迎竟然係…

延伸閱讀：【時鐘酒店】新式主題爆房吸年輕人 負責人：SM、和風乜都有！

延伸閱讀：【時鐘酒店】分手嗌交、玩屎都未算衰 最驚係成床OO！

⏩⏩  需要請人？立即刊登招聘廣告！  ⏪⏪