【職場熱話】母親致電公司問兒子工作狀況 HR拒答 網民:有呢啲阿媽好慘

【職場熱話】母親致電公司問兒子工作狀況 HR拒答 網民:有呢啲阿媽好慘

職場老手常慨歎「一代不如一代」,又抑或「而家啲後生真係唔捱得」,暗示中老年眼中的香港新世代不如往昔勤力。自2009年末,「港孩」一詞因黃明樂《港孩》一書作風行全港,但究竟這個「港孩」現象是否只能責怪新世代本身呢?未必,其實父母一輩養育子女的方法是主要原因之一。最近,有名HR到社交媒體專頁「奴工處」發文,指自己早前接到一名員工母親的電話,感到十分驚訝。

延伸閱讀:【職場熱話】度縮女同事偷食別人飯盒餸菜 網民大數同事匪夷所思行為

即睇事主分享及網民回應:(按圖了解)

事主:前排做嘢突然收到一個阿嬸電話,佢自稱係某員工嘅阿媽,問佢個仔喺公司工作表現點。
事主:呢位員工大約30歲,喺公司做咗嘢已經有差唔多一年,我唯有同佢講:「公司唔會向任何無關人士評論個別員工表現。」跟住我收咗線。

網民A:有呢啲阿媽真係幾慘,搞到個仔被人笑成世。
網民B:做得好,唔係第日佢要求安排家長日!
網民C:分明想累個仔被人炒。
網民D:佢今日好叻,無再同同事爭玩具,老細問問題又舉手答,不過瀨咗屎。
網民E:應該係無再同同事爭女。
網民F:千祈唔好唔信有啲咁嘅阿媽,我十幾年前已遇過同事阿媽帶蛋糕上門幫個仔搞驚喜生日派對……
網民G:世界上真係有呢類阿媽,朋友話見過應徵者由媽媽陪面試,陪返工,到最後過唔到試用期,媽媽上嚟問點解。
網民H:帶阿媽嚟見工嘅都見唔少,份履歷表一般都係直送碎紙機。
網民I:千祈唔好畀佢開咗個頭,如果唔係,遲啲叫個仔返屋企飲湯都要打嚟。
網民J:又唔係考幼稚園至中學入學試,媽媽可以係屋企等消息。仲有應徵者居然畀媽媽陪見工?相信性格都幾依賴人,靠人安排,未能勝任太複雜工作。
網民K:我覺得應該話返畀阿仔聽,叫佢自己處理返阿媽嘅行為。
網民L:問題係佢地以為自己好識大體……如果當時人一路都唔知其實都幾悲哀。
網民M:真係有呢啲呀媽,我喺機場做嗰時,見過有個阿媽望黎望去搵嘢咁,咁我問佢有咩幫到佢?
網民M:佢話個仔著住同一套制服,返工無耐,想知佢做成點。我當時唔知邊個,淨係覺得好痴線。

 

同樣情況不罕有 適當時應該放手

雖然多名網民對事件感到有趣可笑,但原來父母致電公司事件並非罕見,不少網民表示自己曾經遭遇類似狀況。另一名HR在貼文下留言指:「我都試過有家長打嚟幫員工請假,亦都試過家長打嚟訴苦。」這個留言顯示了,HR間中會遇上相關問題,更會成為吐苦水的對象。

有網民直言該名同事非常可憐,「有個唔識大體的家人」,如果此母親致電公司一事傳到辦公室其他人的耳中,「足以令到當事人丟架」。發文的HR指該名同事已年屆30,普遍人不會預料家人仍會協助子女打點工作事務。

實際上,世界各地早已有多個詞語指稱過份保護子女的,「直升機家長」、「怪獸家長」早於千禧年前已經出現。父母過分保護子女會造成子女非常依賴他人,長遠更會影響其工作方式和態度。眾多網民認為,家長早應在適當時候放手,讓兒女長大,更可避免兒女在社會蒙羞。最後,有網民盛讚事主拒絕回覆該名同事的母親,盡力保障員工私隱。

延伸閱讀:【職場熱話】爸爸親自致電公司 打工仔怕被當「裙腳仔」 網民:尷尬得嚟幾sweet
延伸閱讀:【家庭關係】從小到大跟兄弟姐妹比較 打工仔自言壓力大︰永遠睇死我
延伸閱讀:【家庭關係】家人追魂式催交家用 打工仔悲呼無錢計劃將來

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告