【職場熱話】打工仔有意離職 見公司正招聘自己職位:應該主動辭職定等佢炒?

【職場熱話】打工仔有意離職 見公司正招聘自己職位:應該主動辭職定等佢炒?

辭職在職場並非新鮮事,但離職是一個重要的決定,打工仔選擇放棄現時環境,最需要的是決心。有網民在親子王國討論區發文,表示自己在現時公司辭職過2次,惟決心不足失敗了。

近日他終於下定決心離開公司,但又害怕第3次辭職,會被上司當作不認真,沒有勇氣遞信。剛好事主發現公司正招聘自己職位,認為上司正找人替代自己,因此他猶豫要不要等待公司解僱。大家認為事主應該主動辭職,還是等待公司開除?

延伸閱讀︰【辭職信範本|辭職攻略】一文睇清辭職信格式重點及注意事項!內附辭職信範本

 

按圖了解事主、網民分享:

事主:「請教大家一個問題,喺依家間公司做咗就快半年,主要係環境唔啱我,其實之前已經辭過2次,而且喺3個月內,我知係非常差嘅做法……2次都係自己唔夠堅定,加上嗰陣係年尾,所以最後都留低。

我知個印象已經係差晒,但依家就快半年,確定到自己真係唔啱個環境。可能細公司人流少會適合我啲,之前都係做開10幾人嘅公司。依度算係中規模,有30幾人左右。

依家諗清楚係想走,但主要因為之前已辭咗2次……怕第3次辭職會畀人覺得係玩嘢,今次唔敢開口。我知上司登緊廣告請我個位,我係做HR,佢想今次新人可以做埋account。想請問大家覺得係咪明知佢登緊廣告,就等佢開口炒,唔好再辭第3次?」

網民A:確定唔適合就辭職,佢請人又唔知幾時請到。

網民B:唔做就辭職!你都堅定唔會再留喺度啦,咪畀信一個月通知囉。

網民C:樓主你都試過兩次,唔爭在第三次啦!工作啫,又唔使做成世,合則來,不合則去!有時侯,唔使太介懷,公司冇話冇邊個唔得。

網民D:同上司商量一吓,見到公司請緊人,你話等請到人妳就辭職,可以夾吓交接時間。

網民E:諗清諗楚!唔好臨陣又縮沙就無問題。

網民F:無問題,如果我係老闆,你短期內都辭過2次,我都唔會認為你會留得幾耐,又唔係做人世。開一次口,今次真係走囉。

網民G:辭職無乜敢唔敢,唔啱做就係唔啱做,你今日唔辭職,總有一日會辭職, 咪一樣。

網民H:辭職好點都好過畀人炒,佢應該知你都係想走,搵定後備先。

大部分網民都勸事主盡早離職,畢竟不知道公司招聘進程,萬一長時間請不到人,事主就不知要等到何年何月了。而且考慮未來尋找工作,自己主動辭職總好過被人開除。

事主過去2次辭職失敗都源於沒有決心,想必經過2次之後變得深思熟慮,並真正了解到自己不適合這間公司。那事主大可以放膽辭職,誠如其他網民所指,自己不適合這個地方,即使今日留下來,明天又會想離去,應該果斷離去。

雖然事主擔心短時間辭職3次被視作兒戲,但換個角度看,上司和其他同事亦因此了解事主心懷去意,只要今次堅決離開,對方應該會明白。更何況公司早已開始招聘,可以理解為在離開這件事上已經有共識,不用怕尷尬。

延伸閱讀︰【辭職跳槽】有意下個月辭職之時 突然收到老細嘅大禮 仲係個名牌OOOOOO銀包?

【轉工辭職】升完職應該做多陣先辭職?網民:使乜理,冇人知你升完就走。

延伸閱讀︰【職場熱話】一怒之下祼辭!點知3個月都搵唔到工 事主後悔當初咁衝動…

【職場熱話】打工仔嘆離職不能好來好去 網民:牽涉利益就好難


最新專訪片︰

【金像獎背後】憑《年少日記》獲多個獎項提名 編劇、導演卓亦謙:時刻提醒自己不要心高氣傲!

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【轉工跳槽】拒絕Offer應否提及搵到工?HR咁樣講⋯

  • 【辭職彈弓手】同事遞信1星期即反悔!畀多次機會佢?網民決絕反對全因1理由!

  • 【祼辭搵工】衝動辭職後提唔起勁搵工?求職者見工感焦慮!網民:拎到Offer都唔想返工!

  • 【職場趨勢2024】37%僱主欲請人!招聘意欲最高行業係?公開第三季就業展望調查結果!

  • 【辭職學問】00後用WhatsApp講辭職被指「0尊」!辭職信要點遞先正確? (內附辭職信範本)

  • 【職場趨勢2024】大辭職潮再現!比2022年高峰期更強?原因係向公司「復仇」?

  • 【辭職學問】遞信後都有嘢袋落袋?10件在辭職後學到的事!

  • 【辭職學問2024】打工仔離職難開口?僅6.8%人和盤托出辭職原因!調查揭加薪最能挽留員工!

  • 【職場趨勢2024】Z世代搵工難?近4成招聘經理承認對年輕求職者有偏見!全因態度唔專業?

  • 【職涯規劃】捱3年終獲升職 卻想直接離職?打工仔:因為呢4個理由做得唔開心⋯⋯

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow