【職場熱話】慘被同事當透明人 連上司last day咗都唔知 網民：正！有糧出冇汗出

大家覺得最慘、最難受的職場狀況是怎樣？工作量超標、同事上司都是衰人？還是完完全全被當透明人？上司不交代工作，你每天就只是回公司扮工，與同事毫無交流，完全不知道自己的存在價值，這樣難受嗎？

延伸閱讀：【IT熱話】見工坦承曾hack公司電腦發現有bug 老細即請！

有網民在社交平台專頁「奴工處」上投稿，分享自己慘被當透明人的無奈經驗，「唔知點解呢半上司同同事當我透明，一直唔畀嘢我做但我一直出糧，因為個座位坐得唔近佢哋，我上司原來上個月辭職last day咗，佢哋farewell佢，我都完全唔知，而家有個新上司，但冇人介紹我畀佢識……」連上司last day都不知道，自己好像完全不被當成同事的一員似的，不過，冷靜分析後，咦？「一直唔畀嘢我做但我一直出糧」這狀況，不就是打工仔夢寐以求的絕世荀工嗎？

即睇網民回應：（按圖了解）

+10

+9

網民：「認真諗吓，可能係發生過啲事？」

網民：「我明，我都試過返工Day 1就畀人流放咗去office另一邊。正確嚟講，連得罪人嘅機會都冇，日日都唔知自己可以做啲咩。」

網民：「think positive，呢啲情況如果你係返office工，做freelance或者進修溫書一流！」

網民：「正，有糧出冇汗出！」

網民：「不知幾好！打工為錢，既然佢哋當你透明，仲好啦！」

網民：「勁，最高level嘅透明人係炒人嘅時候，連HR都唔記得有呢個人！繼續努力！」

網民：「對住塊鏡見唔見到自己？」

網民：「人工高，OK；人工低，轉工。」

網民：「正喎！如果同事都走清，新嘅人又以為你係其他部門嘅人，唔返工都冇人理，咁就正！」

網民：「鬼故嚟？」

網民：「幾好喔，唔使做嘢都有糧出，我都想做個咁嘅位！」

網民：「建議搵多份工返，然後呢度透明返工。糧照出樣照忙，冇人會懷疑。」

網民：「有錢理得佢，唔使做有錢用。」

網民：呢啲先係絕世筍工！
不少網民都表現得非常興奮，指這份被當透明人的工作是絕世荀工！因為零工作量又有糧出，更有網民指，如果連HR都忘記有這位同事的存在，那就完全不用怕被裁員，更可以有很多自己處理自己的事務，有人更建議事主多找一份工作，又或者做freelance和溫書，好好把握這個機會！

亦有些網民覺得這好像一些鬼故的情節，懷疑事主是否鬼魂，不過，都有網民表示有遇過與事主相類的情況，道：「試過返份工冇諗過要安排座位畀新同事，第一日返工已經流放去第二組坐不特止，仲要每兩星期好似遊牧民族咁搬位，好似遊魂野鬼咁神主牌都冇個。行去搵上司夾嘢都要行半個office 先去到，唔好話同同事培養感情，連搵個人搭訕都難。做到上司走埋都唔知都算勁喇，我自己兩個月已經頂唔住要走喇！」

雖然很多網民都覺事主的情況其實很不錯，不過如果事主覺得自己未能融入大家，亦找不到自己的存在價值，大可以主動一點。即使被流放，在同事的工作群組中可以表現得活躍一點，而事主指沒有人介紹自己予新上司認識，那就可以自己主動去介紹呀！不是所有事情都採用被動的方向，然後無奈和埋怨，先試試主動出擊吧！希望情況有所改善。

延伸閱讀：【IT熱話】見工坦承曾hack公司電腦發現有bug 老細即請！

+20

+19

延伸閱讀：【職場熱話】新上司每個星期請食飯 係好上司認證？網民：遲早要還㗎…

延伸閱讀：【辭職學問】返工首月內想辭職 朝早定係放工遞信先啱？

延伸閱讀：【醫護熱話】註冊護士課程取錄女友 男友頓感自卑 網民：邊個話護士一定配醫生？

⏩⏩  需要請人？立即刊登招聘廣告！  ⏪⏪