【職場熱話】員工抽中聖誕大獎後辭職 老闆要求交還禮物

【職場熱話】員工抽中聖誕大獎後辭職 老闆要求交還禮物

每逢聖誕佳節,不少企業也會舉辦聖誕聯歡派對與同事們感受節日氣氛,打工仔或會害怕交換禮物環節,但必定會歡迎抽獎環節,因為隨時有機會獲得價值高昂的禮品。但如果抽獎後,禮物要收回,你又如何反應呢?最近,一名打工仔到社交媒體專頁「奴工處」投稿,表示公司某名新同事於公司聖誕派對抽中大獎,怎料該名新同事在數天後辭職,而老闆的舉動也令人尷尬。

延伸閱讀:【職場文化】老細一句「我睇好你」 新同事以為上位?打工仔︰唔係咁都信呀!

即睇事主分享及網民回應:(按圖了解)

事主:話說公司20號搞Christmas Party,終極大獎係價值三萬蚊嘅電視,畀一個新入職嘅新同事抽中。

事主:然後今日(23號)新同事因為有好啲嘅Offer而辭職,老闆叫HR要求佢交返中獎部電視出嚟,如果唔係就final payment度扣⋯⋯

網民:咁嗰晚Party食飯錢使唔使扣埋?

網民:唱衰公司同老細小氣啦!

網民:老闆只會畀現職同事睇到佢幾小家。

網民:其實我第一下就諗到好似啲情侶分手後要拎返啲禮物咁!

網民:快啲扣!即刻扣!唔扣無吉士!

網民:HR表示,老細,呢單嘢我幫你唔到……

網民:如果做半年係咪要攞返半部電視出嚟?

網民:我曾經做過一間公司,員工未過試用係唔合資格抽獎……

網民:咁會正常過抽到話要收返。

網民:其實咁樣正常好多囉,點會入職無耐就畀人抽獎咁得意……

網民:一早講明要一定年資先抽得當然無問題,但問題係你定咗規矩無限制做咗幾耐……

網民:人哋抽中咗係無問題,但人哋走你先嚟嬲?點解唔一早定個規矩?到結果唔滿意先嘈?

網民:我又想知,佢做咗幾日份糧夠唔夠扣呢?

網民:扣?扣完就勞工處見。而且返一個星期唔通有3萬蚊電視咁多糧咩?

收回禮物十分尷尬 網民:看清老闆真面目也好

正有謂:「舉手不回真君子。」如同下棋,禮物送了出去就難以收回,眾網民認為老闆的舉動尷尬,更向員工顯示其器量狹窄,構成孤寒的形象。一名網民認為,新同事其實「好好運」,「先抽中部電視,然後有更好嘅新offer,順手睇清埋老細個真面目。」另有網民從此事件覺得,在這般老闆管治下,新同事留在同一間公司也未必有良好的待遇。

許多公司為了避免尷尬,抽獎活動只允許通過試用期的員工參與,有些網民和應:「點知你會唔會中大獎後走咗去㗎?」無論如何,事件已經塵埃落定,究竟新同事與老闆之間的禮物糾紛何去何從就不得而知了。

特定情況可扣糧 大多情況不得扣糧逾半

另有網民關注老闆是否可因禮物糾紛而扣除新同事薪金,表示:「抽咗獎品都拎埋,我覺得就唔可能話扣人工囉!」《僱傭條例》只允許僱主在特定的情況下扣除員工薪酬。

根據《僱傭條例》(香港法例第57章),僱主只能因僱員缺勤、僱員疏忽或失職而導致僱主貨品損壞或遺失、僱主借給僱員的款項等九個情況下扣除工資。各項情況當中,僱主只能因僱員缺勤,或根據法院發出的扣押入息令而扣除僱員尚未支付的贍養費外,各項情況均不得扣除僱員在該工資期所得工資的一半。

以下為僱主可扣糧的9種情況:(按圖了解)

(上述部分並非法律文件。有關法例條文的詮釋,仍以法例原文為準。)

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告