【職場熱話】公司要求同事黑髮 天生啡髮同事〇〇〇終令規則取消

【職場熱話】公司要求同事黑髮 天生啡髮同事〇〇〇終令規則取消

普遍公司規定員工衣著以確保企業形象,以免在客戶等外人面前出洋相,或構成負面印象。除了衣著外,現時仍有企業規管僱員的髮色、紋身等,但此等規則或為部分人帶來困擾。最近有打工仔到社交媒體專頁「奴工處」發文,表示自己看到同事與老闆爭論髮色問題,而同事最終用了一個方法成功推翻公司不合時宜的規定。

延伸閱讀:【職場熱話】IT男不習慣公司同事零交流 網民:無聲出就無是非

天生啡髮同事〇〇〇抗議老闆要求黑髮規定,即睇事主分享及網民回應:(按圖了解)

事主:公司有個男同事個頭天生啡啡地,但老細話唔畀,要求佢染黑。

事主:同事同老細理論不果,直接鏟光頭。老細見到呆咗,唔使佢接客。

事主:佢嘅抗爭令公司取消咗呢條例。我呢刻知道,遇到傻人,只要傻過佢就唔會搞你。

網民:間公司好彩無請外國人,否則金髮嘅都要你染黑。

網民:光頭就唔准見客,係咪歧視脫髮禿頭員工?

網民:光頭唔見得客㗎咩?

網民:唔通公司係賣防脫髮洗頭水?

網民:請嗰陣應該已經知啡色,個老細都係癲癲地。

網民:返學咩?仲要人染黑……

網民:天生啡髮都唔畀?使唔使寫家長信?

網民:我諗起中學年代有同學有類似經驗,點剪都話標奇立異,跟住把鬼火剷光佢,點知剷光都被人話標奇立異……

網民:我天生唔係黑髮,但以前學校嗰個訓導主任居然一口咬定話:「憑我十年嘅經驗,你啲頭髮係染嘅。」

網民:你令我諗起,我同我阿哥讀書時期因為天生頭髮有啲啡金,分別都畀學校質疑⋯⋯

網民:如果要見客,公司對員工儀容有要求,其實都好正常,當然唔係一身名牌,但乾淨整潔就基本嘢啦!

網民:人哋天生啡髮,唔明同儀容有咩關係,黑頭髮就等於儀容好?黑人問號?

網民:咁女同事嘅裙有無要求對落膝頭哥幾多先啱?對住呢啲無理老闆,真係要比佢更無理。

網民:最尾嗰句是真的。遇到個傻嘅,你真係要傻過佢,佢先唔會搞你。

 

啡髮或與基因有關 過時思想遭網民聲討

有網民留言:「可能人哋覺得啡色就係飛仔壞人。」過往社會觀念的開放度不及今日,當今社會流行的染髮、紋身等未必獲舊思想接受。許多人認為事主公司老闆管束員工髮色的舉措反映其思想迂腐,未有與時並進,但讚許事主同事「鏟光頭」的舉動勇敢,有留言更正事主說:「佢(同事)唔傻,只不過你去得唔夠佢盡!」

事實上,即使是華人,頭髮天生也未必是黑色。科學期刊《自然通訊》(Nature Communications)曾於2018年刊登一篇題為「英國生物樣本庫全基因組髮色研究解釋大部分SNP遺傳性」(Genome-wide study of hair colour in UK Biobank explains most of the SNP heritability)的文章,指出髮色與基因變異有關,並發現由黑色至金色的漸變體,可見啡髮並不一定由後天染成。

延伸閱讀:【職場文化】公司話大家係一家人 員工爭取加人工:邊有父母寧願餓死自己仔女?

延伸閱讀:【職場文化】老細學人搞marketing 要求員工印ig post同email…

延伸閱讀:【職場熱話】16歲少女首日返工收到老闆11條「人生助言」 爸爸:好彩女兒辭職了

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】打工仔漸對社交厭倦 網民慨嘆:職場太多事影響關係

  • 【聖誕節】與同事交換禮物送咩好?7個禮物不失禮的建議

  • 【職場熱話】覆WhatsApp唔加表情等於hea?網民:表達到個意思咪得

  • 【職場熱話】哲學畢業生苦惱唔知可以搵咩工 網民:思考家?文職?

  • 【2022】回顧一年職場生活 打工仔要問自己的5條問題

  • 【職場熱話】講金唔講心、白紙黑字寫清楚⋯⋯打工仔大數返工最大得著

  • 【行業秘聞】前賣bra售貨員揭一入職被要求講大話!大爆:只係將條帶校鬆緊…

  • 【聖誕熱話】公司聖誕聚會 二百蚊交換禮物提案!網民:日本米一包

  • 【職場熱話】最完美的返工時間?網民熱議「朝十晚四」最有效率

  • 【行業辛酸】銀行前線大呻顧客無理行為 唔肯排隊、最叻恐嚇取消戶口

Jobs You Maybe Interested In

刊登招聘廣告