【職場熱話】上司發現女同事有紋身勃然大怒 「點解見工嗰陣唔上報」

【職場熱話】上司發現女同事有紋身勃然大怒 「點解見工嗰陣唔上報」

對於職場的服裝、儀容,每間公司都有不同的規範,有的要求員工每天穿西裝上班,展示專業形象,亦有公司重視員工的工作效率,容許員工以休閒打扮走入辦公室,甚至接受他們有具個人風格的髮型、髮色及紋身等。不過,並非所有公司都如此寛容,最近在網上討論區香港討論區,就有打工仔分享特別的經歷,他指上司發現女同事的紋身,控制不住怒火問:「為甚麼見工的時候不上報?」

點圖了解更多事主經歷:

 

事主分享:

「今朝返工,有個女同事返到嚟成身濕晒,佢話出面落緊雨,而佢把遮就爛咗,所以只好冒雨跑返嚟。好彩佢今日喺白恤衫入面着咗件背心,唔係真係被人睇蝕晒。

件衫透到見到佢手臂上面嘅骷髏骨頭紋身,我覺得都幾靚,平時女同事着衫會遮住個紋身,所以無人知佢有紋身。咁啱阿頭經過,見女同事成身濕晒,就叫佢換過件衫,但佢發現個紋身之後,就無名火起鬧佢:『原來你有紋身?點解見工請你嗰陣,你唔上報公司知!有紋身,公司可以當你儀容不整!』

都唔知道紋身原來要話畀公司知,有紋身有幾儀容不整?又唔會騷擾到同事,個紋身又唔會有味,唔係今日佢件衫濕咗,露咗個紋身出嚟,之前都無人知佢有啦!而家紋身好平常喎,要去到儀容不整咁誇張咩?穿耳洞又使唔使話畀公司知?」

網民回應:

A/而家唔少女仔都會玩紋身

B/睇行業啦,有啲真係有紋身唔請,自己做選擇

C/反正遮住晒,佢都睇唔到啦,搵嚟嘈

D/睇你做咩行業,有女性朋友全身都有,之後大個咗就知道有啲工作唔可以露紋身,亦唔方便,一年四季都要着長衫長裙,最後佢去咗洗紋身

E/如果你做銀行,滿手紋身係客都會怕咗你

F/其實唔出奇啦,好多人都外國返嚟,30歲樓下嘅女仔,部份人嘅胸邊、腰中間,都有紋身

G/使唔使咁大反應

H/返工搵塊膠布遮住,搞掂晒

I/我覺得如果平時返工嘅衫,係遮到個紋身,真係無乜問題,唔通平時都會拉高件衫咩

視乎職業及員工守則而定
上述情況下,要視乎工作有沒有實質需要、員工守則有否標明而定,假如明文規定,員工因為工作需要不能紋身,女同事就可能違反守則;相反,公司沒有規定,而上司因為紋身對女同事作出紀律處分,就可能涉及歧視。

根據平等機會委員會(平機會)的《促進平等就業機會的良好管理常規》,指出僱主不應把與工作需要無關的服裝及儀容要求,強加到僱員身上,最好避免條文無意地對員工構成直接或間接督歧視。

制訂和執行服裝及儀容守則應注意:(按圖了解)

延伸閱讀:【金像獎背後】為投入演員身份辭任DJ 《殺出個黃昏》鍾雪瑩:想對喜歡的事情負責任
延伸閱讀:【金像獎背後】由美術指導到首次執導《好好拍電影》 文念中紀錄香港轉變

即睇5種服裝顏色呈現的形象:

延伸閱讀:【星級斜槓族】《全民造星IV》咖喱黃雅慧專訪 16歲曾有入女團機會 棄醫生高薪厚職追夢 「完全無後悔!」
延伸閱讀:【廚師奮鬥史】入行逾30年從「𡃁仔」變成主廚 凱悅軒黃皓勤:缺乏人才或導致粵菜技術失傳

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告