Next
【祼辭搵工】衝動辭職後提唔起勁搵工？求職者見工感焦慮！網民：拎到Offer都唔想返工！
【祼辭搵工】衝動辭職後提唔起勁搵工？求職者見工感焦慮！網民：拎到Offer都唔想返工！
2024-07-04
休息是為了走更長的路，當受夠高壓的工作環境、排山倒海的工作量，及過長的工作時間，難免會萌生祼辭的念頭，甚至向上司遞信。
有台灣打工仔在網上討論區Dcard分享個人經歷，指待業2個月後，提不起勁找工作，甚至連面試也會讓他感到焦慮，引起不少網民共鳴，有人指：「即使有Offer都不想上班。」
點圖了解更多事主分享：
事主：「之前有份工做咗9年畀人炒咗，我後來去咗一間公司，個老闆成日嫌啲Job錢少，所以唔接，結果業績唔好，最後將啲情緒發洩喺員工身上，做嘢成日冇理由咁嫌三嫌四，冇一樣嘢佢睇得順眼，後來我焦慮到甩頭髮，最後只好祼辭留喺屋企。
啱啱開始搵工，都有收到Offer，但會一直覺得好驚，好怕會遇到啲嫌三嫌四嘅老闆，就冇去返工。目前待業2個月，真係覺得太無聊！本身都有好積極，諗住要積極規劃待業要做嘅事，但最後真係提唔起勁。
上星期我又去咗面試，In我嗰個係老闆，本身話好大機會請我，仲問我幾時可以返工，諗住話終於有工返！但都係冇下文，佢仲徵緊人，可能我真係成功咗！但我又會好焦慮，超級矛盾，有冇人同我一樣？」
網民回應：
A/仲有好公司同好老闆，但呢個係賭博咁，唔實際去間公司做，你都唔會知道答案。唔好灰心，繼續搵工，相信有日你會搵到適合嘅公司。
B/待業嗰陣，就係會亂諗嘢，只可以嗱嗱聲拎到Offer入去做，新工作新希望！
C/我而家係面試前都焦慮，唔返工都焦慮，覺得自己點會變到咁冇用，但心裡面又好抗拒，完全唔想Apply工。
D/同你一樣，覺得無聊想返工，但返工又唔想見人，覺得好焦慮。
E/我都係待業中，無聊嗰陣會亂諗嘢，只能夠諗辦法搵嘢做去轉移注意力，祝我哋都盡快搵到理想嘅工作。
F/拎到Offer唔想去返工。
G/我想話待業好開心，可以周圍去玩，每日躺平瞓到飽，食好嘢行街！追劇睇漫畫同打機！我應該可以一年都唔覺無聊。
H/待業越耐越唔舒服，會唔想出舒適圈，但個銀包唔夠厚......（利申：待業2個月，下星期返工嘅女子）
I/我前排都係咁，成日都覺得好焦慮，返工又覺得好驚。In咗好幾間公司後，決定放鬆吓自己，去睇鍾意嘅劇集。然後到而家份工，近屋企，做嘅嘢又唔多。
J/我都係祼辭待業中，但我幾期待返職場，上一份工忙到冇時間唞，夜晚同放假都喺度覆Message，而家慢慢做作品集，然後讀書進修好好休息再出發。
對於事主的分享，不少網民都表示有同感，坦言待業期間不但失去找工作的衝勁，更會胡思亂想。有網民認為這樣的自己很沒用，但心裡好抗拒自己去工作。有人就自言待業越久越不舒服，為了賺錢不得不踏出舒適圈。相反，有人就很享受待業的狀態，認為這段時間能好好放鬆自己。待業是再次調整自己的時間，了解自己的職涯路想要怎樣走，不過假如有經濟壓力，最好還是先找下一份工作再辭職。
祼辭後萬般後悔？（點圖了解更多）
即睇3個祼辭要做的準備：
延伸閱讀：【轉工跳槽】中年轉工如何兼顧家庭？ 網民竟建議先辭職
延伸閱讀：【職場熱話】同一行業做咗十年就好難轉行？網民：路係向前行！
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!