【接種疫苗】公司安排未打針員工去房間隔離 網民:正喎!係咪唔使做嘢?

【接種疫苗】公司安排未打針員工去房間隔離 網民:正喎!係咪唔使做嘢?

Omicorn來襲,傳播速度快,加上政府擴大「疫苗氣泡」,於2月24日起,市民進入包括食肆在內的18類處所,須接種至少一劑疫苗,令未打針的人紛紛預約接種疫苗。不少打工仔亦擔心未打針的話,會否連公司都回到去,亦考慮盡快接種,不過,打針與否其實是個人考慮,有公司竟採於強硬手法來「鼓勵」員工打針……

延伸閱讀:Speed Dating定用交友App好? 最多單身職業係工程師、醫生……

有網民在社交平台專頁「奴工處」上投稿,分享道:「公司想office員工打針,於是問同事邊個有打針,邊個冇打針。跟進臨收工嘅時候,突然間叫班冇打針嘅人去另外一間房度『隔離』,然後話:『只要你打咗一針,就可以返本來個位。』」

大家都覺得公司的做法很有問題,如此施予壓力,做成歧視的不良氣氛,這真的是「鼓勵」員工去打針嗎?還是「威脅」?

即睇網民回應:﹙按圖了解﹚

網民:「如果都係同層工作,有事咪一樣全體隔離。係毒就美其名抗疫,有打針返正常時間,冇打針返夜。」

網民:「正喎!係咪唔使做嘢?」

網民:「政府都係叫市民自願性打針,呢間公司咁做,唔係好啱。」

網民:「依家有唔少企業都要求員工打針,否則炒魷魚。搵勞工處都無用,廢的。」

網民:「日日坐喺嗰間房係咪唔使做先?」

網民:「打針唔會降低感染風險,中招全部都要入院,打針出現副作用仲會增加醫療負擔,封關/入境要隔離,已經好過迫人打針,病毒不斷更新緊,但政策同支針仲係過去式,唔係簡單,思考一下。」

網民:「我哋公司臨收工出email,話兩日後打晒兩針先可以返office,否則WFH。」

網民:「呢個做法其實有咩意思呢?如果話打針係為免疫,打咗針嘅人就唔怕坐喺未打針嘅人旁邊,改變唔到乜。反而貴公司唔怕員工中招,應該全部人home office,免得一個中全公司要隔離。」

網民:「仲好啦。打針嗰班中曬嘅話。你哋可留守公司到最後一刻!」

網民:「政府都未行到強制打針,公司就做啲咁嘅嘢?明顯喺歧視。」

網民:「對打與唔打無意見,但覺得呢間公司咁做好多餘,搬入房就隔絕傳染咩?中央空調呀!」

網民:「人工照出,我冇問題。」

網民:「地球好危險,叫你老闆搬office去火星,嗰度咩病毒都冇!」

 

最緊要有糧出
網民面對事主所述的情況有兩種態度,一種是為事主感不忿,並道出公司的錯誤觀念,「政府都係叫市民自願性打針,呢間公司咁做,唔係好啱。」、「打針唔會降低感染風險,中招全部都要入院,打針出現副作用仲會增加醫療負擔,封關/入境要隔離,已經好過迫人打針,病毒不斷更新緊,但政策同支針仲係過去式,唔係簡單,思考一下。」

亦有網民覺得只要有糧出,就可以配合公司,並覺得沒有所謂,非常樂觀,「正喎!係咪唔使做嘢?」、「人工照出,我冇問題。」。

其實打針與否屬個人意願,大家衡量個人身體狀況才決定是否接種吧!

延伸閱讀:Speed Dating定用交友App好? 最多單身職業係工程師、醫生……

延伸閱讀:Speed Dating活動種類多 整蛋糕、郊遊 最受歡迎竟然係…

延伸閱讀:【時鐘酒店】新式主題爆房吸年輕人 負責人:SM、和風乜都有!

延伸閱讀:【時鐘酒店】分手嗌交、玩屎都未算衰 最驚係成床OO!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告