【外勞糾紛】外勞返工1日即被炒小紅書大呻嚟香港＝中大伏事主：大嗱嗱畀咗Ｏ萬中介費！

CT熱話管理員

Published: 2025-09-19 19:15

Updated: 2025-09-19 19:15

政府現行的「補充勞工優化計劃」及「行業輸入勞工計劃」，均規定必須本地招聘失敗才可聘請外勞。合約為期24個月，工資不得低於本地相關工種中位數，勞工受標準僱傭合約保障。

近日有網民在網上平台「小紅書」上以「關於香港外勞上班第1日被炒之露宿街頭」為題發文指，自己通過政府計劃來港工作，俗稱「外勞」，豈料上班一天後旋即被解僱。事主非常不憤，除了是因工作上沒有犯錯就被解僱外，還有給了一筆可觀的中介費及勞動費才可來港。經歷在網上流傳後引來眾網民熱議，更懷疑事主慘遭騙局。

即睇係騙局定命運弄人？（按圖了解）

+29

+28

事主：關於香港外勞上班第一日被炒之露宿街頭

11月30號通過初試及覆試

12月14號通過線下試工主要做App同社交媒體運營！

但係招聘廣告上面寫文員！

後續開始正式辦證簽合同，來函工作。

時隔3個月辦證，畀咗中介費同勞務費嗱嗱萬幾蚊！

3月11日來港報道

3月12號開始正式工作

3月13號畀人炒

好坑啊！

從辦證開始，沒簽合同就不斷叫我幫諗文案、剪視頻及寫腳本。大年三十快吃飯時間打電話過來布置任務。

面試時和我確認上班時間是8:30至17:30，中午休息1小時，上5.5日，結果畀完錢簽完合約後變成8:00至17:30，中午只有45分鐘吃飯時間！變上六日！

住宿扣工資百分之10，來到住宿地方後冇熱水沖涼，冇床瞓覺，空空如也！10平方瞓兩個人。

公司安排雜亂無章，又唔畀問，問就覺得你好煩，咩都要問，唔問又話你唔報備！

認為冇做錯事，無故辭退我。

當天發生一件事，因為入職後需要辦臨時身份證，開頭同事都係早上去辦臨時身份證且獲得批准，所以12日晚上我就申請13號早上預約了身份證辦理可否抽1小時去辦理，結果被拒絕！

13號早上就直接叫人結工資叫我走，問原因就話唔適合！

請問！如果覺得唔適合，我都試過兩日工，點解當時沒辦證前唔講？

已經接受咗呢個結果，冇咩難受，只是感覺脫離苦海一身輕鬆。

我只是想建議想來香港上班的外勞

問清楚勞務費是否按月收，離職是否會退還部分？高額中介費就不要多，不要明明來香港賺錢的結果虧錢回去

休息、工作時間，是否試用期要問清楚，是否會有加班費等，最好和合同上是一致的，白紙黑字寫明，不然最終都會按合同

熬的苦，能接受到陰陽怪氣的可以來（部分僱主），工作節奏快，如果熬不到苦，建議不要來，一樣牛馬，香港嘅錢唔係咁好賺。

網民A：你會唔會係畀人呃中介費？

網民B：你呢個情況好奇怪，似畀人呃！

網民C：唔好嚟香港打工，真係好辛苦㗎！

網民D：你未返工就叫你做嘢你都肯？

網民E：不透明的招聘！就是很大機會被騙了！

網民F：好多本地人都失業！點會仲可以請到外勞！

網民G：我也是一名外勞，來到香港每日加班，可以留下來也不是一件好事！

網民H：快去報警啊！

網民I：合約上無寫明要幾耐通知期㗎咩？

網民J：只可以說惡人處處有！

網民K：搵啱中介好緊要！

入職不到兩天，被以「不適合」為由即時辭退，過程無合理解釋。且事主辦理香港臨時身份證申請時，亦被公司拒絕請假協助，接着即被逐離和遣散，疑留下「即炒」伏筆。有意來港工作的外勞，必須徹底了解僱主與中介可靠與否、親自審閱及保存合約白紙黑字證據、明確勞動及生活條款，特別注意高昂中介費及合約「解約保障」內容，避免財力及精神雙重受損。若遇不合理解僱、過勞剝削或欺詐安排，理應主動向勞工處或警方維權求助，以免成為輸入外勞制度下的犧牲品。

延伸閱讀：【來都來了】公司煮飯險釀火災老闆發現即炒無通知期外勞員工：我來香港也花了大把金錢！

+17

+16