Next
【世代差異】00後用WhatsApp辭職 打工仔直斥離譜！網民反指：時代唔同啦！
【世代差異】00後用WhatsApp辭職 打工仔直斥離譜！網民反指：時代唔同啦！
2024-02-29
「遞信」代表傳遞辭職信的動作，大概無人不知。普遍公司都要求打工仔在離職時，用白紙黑字寫明離職的細節，是否代表以其他方式辭職是不可取？有打工仔在香港討論區分享見聞，提及一位00後同事透過通訊軟件WhatsApp辭職，打工仔認為這個行為相當離譜，網民反嘲事主：「時代不一樣了！」
點圖了解更多事主分享：
事主：「我哋公司平時啲同事如果唔做，一般都係Send Email，點知有個00後同事做咗兩個月，覺得份工唔啱，用WhatsApp辭職。
個HR同佢講，叫佢一係畀Formal Letter，一係Email完再補Formal Letter，公司唔接受用WhatsApp辭職，話嗰位00後同事連基本禮貌都唔識。嗰位00後就覺得自己都唔做，點解仲要跟咁多規矩……同埋覺得又唔係唔通知公司，點解唔可以WhatsApp，唔做真係大晒！」
網民回應：
A/時代唔同，銀行都用短訊confirm個人資料，甚至有啲大公司，用電話同你confirm續約都得啦！
B/後生仔咩人都有，算啦。
C/時代唔同啦，而家咩都用WhatsApp！
D/而家啲人真係唔知乜嘢叫規矩同禮貌！
E/口頭辭職都有效，更何況係用WhatsApp！
F/唔做真係大晒，可能你公司封Reference Letter唔值。
G/早幾年已經見有同事用WhatsApp辭職，打電話唔接，只係用WhatsApp覆，真係奈佢唔何。
H/同你講辭職咪算好，有啲返工Hea一日，拎4日醫生紙，無限輪迴。
I/不如你講吓係咩公司，我做賣菜嘅用WhatsApp同你講唔撈，已經好畀面，出完糧消失唔返工，先叫冇禮貌……
J/上一代打工仔，畀公司欺壓太盡，公司管理層就認為，公司欺壓打工仔係理所當然。故此，支持新一代打工仔，向公司管理層嘅「奴僕」思想，作出反擊！
K/WhatsApp都叫written，screen cap 再email 又得唔得？
L/我去大學上堂時問過啲阿Sir，「係唔係有人用 WhatsApp 辭職，唔寫辭職信？」嗰個阿Sir以前係喺大公司做HR高層，退咗休之後去大學兼職教書。佢話用 WhatsApp辭職呢一班已經算係文明人，有啲人上晝返工，下晝消失，打電話畀佢cut你線，完全唔知佢係唔係會繼續做！
M/唔好咁高要求啦，有個新同事返咗兩日工，下晝就消失，人都唔見。個人覺得唔係因為時代唔同，而係每個人嘅做法都唔同，小弟係90後尾接近00年代，但我返工唔可能遲到，更唔可能會用WhatsApp辭職。
N/平時公司有冇用WhatsApp叫佢做嘢？收到又可唔可以唔理？
O/只可以話時代唔同啦，老Seafood！
大部分網民都向事主提出反駁，指今時今日時代不同，幾乎所有溝通都透過WhatsApp進行，會透過訊息辭職實屬正常事。有網民指，曾向任職HR的人士諮詢，對方坦言願意用WhatsApp辭職的人，已經算是不錯，有不少人早上上班，下午就不知所蹤。
利用WhatsApp辭職是否可行？根據《香港法例》第57 章《僱傭條例》第6條：「僱傭合約的任何一方均可隨時以口頭或書面通知對方其終止合約的意向而終止該合約」。看似利用訊息辭職是可行的方法，但這要視乎對方有否回覆確認收到你的訊息。建議最好還是向公司提供正式的辭職信，以保障自己。
不妨跟着以下建議和步驟，撰寫辭職信：（點圖了解更多）
即睇10件在辭職後學到的事：
延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者
最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!