Next
【無良老闆】家有喪事請恩恤假 老闆竟問4條刻薄問題想拒假！網民：早走早着！
【無良老闆】家有喪事請恩恤假 老闆竟問4條刻薄問題想拒假！網民：早走早着！
2025-02-24
人總會面對生老病死的現實，親人的離別更是令人心碎的時刻。然而，有些老闆卻對員工的情感需求視而不見，缺乏應有的同情心。近日，一位網民在Threads上發文，講述了一名同事在請恩恤假時，竟遭到老闆提出四條刻薄問題，試圖拒絕其請假申請。
按圖即看樓主分享及網民留言：
樓主：職場分享：
老闆：你係咪批咗你下屬半日compassionate leave？
Team lead：係，佢grandpa過咗身。
老闆：而家係月頭，佢攞月中假喎。
Team lead：半個月，香港搞呢啲差唔多
老闆：佢用大禮堂定細禮堂？
Team lead：我無問（亦唔想問）。
老闆：一般嚟講，大禮堂就快啲，細禮堂就慢啲。
Team lead：咁我使唔使去問佢用大禮堂定細禮堂？
老闆：umm....但個body可以雪咁耐咩？
Team lead：我唔知可以雪幾耐，或者不如直接reject佢個leave？！
老闆：咁又唔使。
網民A：我真係會話：不如一齊去靈堂拜吓先人兼一齊上炷香，然後我再叫先人起身同你解釋吓ok？
網民B：我親身經歷，十幾年前外母過身，要喺出殯嗰日攞假，點知HR話你點證明佢係你外母？點知你嗰日送殯？我話叫我外母今晚搵你講清楚好嗎？
網民C：問咁details唔講以為請半個月假。
網民D：我之前間公司喪假一律放3日，頭2日辦事，第3日休息，同埋喪假一律唔問同事和死者有什麼關係，只需事後出示死亡證副本就可以。
網民E：正常人都唔想攞喪假啦，仲問長問短，真係喺傷口度灑鹽，我就試過唔止畀人灑鹽，係直接侮辱我屋企人，我呢世都唔會忘記。
網民F：關佢咩事？不如影埋相畀佢睇。
網民G：以前我管理嘅同事要攞compassionate leave，我係會畀佢攞足3日，世上衰老闆真係多，你都係早走早着啦。
網民H：香港存在已久嘅垃圾職場文化，台灣都聽過類似，外國返工例如加拿大sick leave都唔使畀假紙。
網民I：直接叫grandpa上嚟同老闆要求批假。
網民J：半日真心覺得少。
網民K：公司policy唔係寫明可以拎幾多日咩？
網民L：其實老闆都係八卦下，吹下水，邊有質疑過呢個決定？
網民M：同佢講，到時FaceTime你好冇？
不少網民見狀表示公司相當涼薄，缺乏人情味，甚至勸樓主趁早離職。有網民開玩笑地提議讓已故親人來請假，以揶揄老闆的提問。此外，有人指出這反映了香港職場文化的問題，並提到其他國家的請假制度更為人性化。其實，在面對生老病死等重大事件時，老闆應該建立一個支持性的環境，讓員工感受到被重視和理解。應簡化請假程序，信任員工的請假理由，而非提出刻薄問題。
勞工法例有冇規定恩恤假？
《僱傭條例》（第57章）並沒有明確規定恩恤假或喪假，意味着恩恤假或喪假並非法定假期，而是由僱主自行決定是否提供及其具體安排。恩恤假通常是根據公司內部的政策或勞資協議來安排的，並非法定要求。公司可以自行決定是否提供恩恤假，以及相關的條件和待遇。私人企業通常會參考政府做法，再決定如何制訂內部恩恤假／喪假政策。
員工家有白事，老闆居然扣大假？
延伸閱讀：【刻薄老細】家有喪事請恩恤假 老細奪命追魂Call催交嘢 事主：燒緊衣呀！
延伸閱讀：【恩恤假│勞工法例】恩恤假並非法例規定？打工仔請喪假要咩證明文件？一文睇清香港恩恤假政策
延伸閱讀：【無良上司】外婆過世請喪假！竟遭上司拒絕 並問1條奇怪問題？網民：冇良心又唔專業！
延伸閱讀：【職場辛酸】參加親人喪禮 卻被工作訊息轟炸 打工仔：連請喪假都要騷擾我⋯⋯
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!