Next
【職場八卦】男上司暗斥女同事婚後繼續返工好麻煩 事主：結咗婚就應該留喺屋企等老公養？
【職場八卦】男上司暗斥女同事婚後繼續返工好麻煩 事主：結咗婚就應該留喺屋企等老公養？
2024-03-14
在現代社會中，女性在職場上的地位逐漸受到重視與肯定。然而女性於婚後應否繼續工作，仍然是一個具有爭議性的問題。婚後繼續工作雖能持續固定的經濟收入和個人成就感，但在職場同事的眼中，卻有機會惹人討厭？有網民於香港討論區發文，指公司的男上司看似感覺開通，但卻無意中聽到他私下與其他部門同意閒聊時表示不解女同事婚後仍然繼續工作、婚後應該安分守己當個「煮飯婆」云云，令事主不敢苟同。一眾網民對事件又會有甚麼看法？
即睇事主分享：
事主：之前聽佢講話女同事嫁得好可以唔使再做，原本真係有啲羨慕女同事⋯⋯
事主：但今日聽到佢同其他人吹水嗰陣講：唔明點解啲女同事嫁咗都仲要留喺度返工，嫁咗就應該留喺屋企做煮飯婆，仲扮晒新時代女性堅持返工證明自己價值！
事主：又話第時有咗成日都要請假做產檢，請產假又要搵同事接手工作，分分鐘請完個產假返嚟就話唔做，到時邊有咁快請到人⋯⋯
事主：估唔到平時感覺好開通嘅上司會咁講嘢，講到已婚婦女仲出嚟做嘢好唔要得。
事主：女人結咗婚繼續做嘢真係咁大問題咩？我又唔使為咗家事經常請假，唔影響工作咪得囉！
事主：依家無小朋友咪繼續做嘢囉，咁都有問題？
事主：點解依家仲有人覺得女人結咗婚就應該留喺屋企等老公養？
即睇網民回覆：
網民：有無錄低？夠晒證據拎去平機會備案！
網民：公道講句， 女人結咗婚都要自己有份工穩陣啲。
網民：請假做產檢要同事接手工作，仲要請完產假返嚟就辭職呢啲的確係事實， 至於其他論點你可以去平機會問吓。
網民：當你做到佢個位咪知人哋點解咁諗，咪由佢呻吓囉⋯⋯
網民：你咪鬼理佢啦，上司講嘅嘢有幾時唔委屈？當你上到佢個位，有嗰種利害衝突時可能你都會咁諗。
網民對事件的回應有好有壞，雖然上司的言論明顯含有歧視成分，但所舉出的事例卻是一種職場同事的心聲。而有部份網民則認為職場中上司的言論刻薄已是常事，無需過分介懷。
職場中每個人的觀點與立場都不盡相同，面對同一情況都會有不同意見，但最重要的是時刻保持理性，避免不自覺對其他持份者作歧視行為。
即學5招應付職場欺凌！
即刻按圖了解更多職場八卦！
延伸閱讀︰【職場八卦】同事成日幫人改花名 連老闆都難逃魔掌？
延伸閱讀︰【中年抉擇】老婆人工夠養家 中年漢冀做全職爸爸 網民：男主內只會被人睇唔起！
延伸閱讀︰【撤銷口罩令】老闆要求繼續戴口罩返工 事主：同未撤銷口罩令有咩分別？
延伸閱讀︰【職場八卦】女同事素顏返工被誤當新同事 HR：影響公司形象唔係咁好⋯⋯
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!