《好僱主約章》2026現正接受報名

阿超在公司的周年聚餐與老闆閒聊，談及勞工處舉辦的《好僱主約章》2026。

阿超：「老闆，好多謝你之前俾我放家長假出席阿仔學校嘅活動，又安排我遙距工作方便照顧有長期病患嘅爸爸！我知道勞工處啱啱推出咗《好僱主約章》2026，不如公司都參加囉！」

老闆：「我好明白同事除咗係公司嘅員工，喺家庭裡面亦有一定嘅角色。所以我哋公司推行家庭友善僱傭措施，等同事可以照顧家庭同時兼顧工作。你講嘅《好僱主約章》係咩嚟架？」

阿超：「勞工處舉辦《好僱主約章》，係為咗推動僱主採納良好人事管理。今屆約章以『家•職平衡，與你同行』為主題，重點鼓勵同嘉許僱主支援僱員照顧家庭嘅需要，實行靈活同多元化嘅家庭友善僱傭措施，協助減輕僱員照顧家庭嘅壓力，達致勞資雙贏。」

老闆：「參加約章對公司有咩好處呀？」

阿超：「參加嘅僱主若確認為合資格簽署機構，除咗獲頒證書外，仲獲授權喺公司嘅信紙、刊物同宣傳品使用約章標誌兩年；實施咗五項或以上家庭友善僱傭措施嘅機構，仲可獲授權使用『家•職平衡，與你同行』標誌。簽署機構甚至有機會獲邀喺唔同嘅宣傳渠道上分享實施良好人事管理措施嘅心得。簽署機構嘅名單更會上載到《好僱主約章》2026專題網頁，俾公眾閱覧。」

老闆：「聽落幾好喎，可以幫公司提升形象，又吸引到注重工作同生活平衡嘅人才加入。咁點參加呢？」

阿超：「只要填妥表格交回勞工處就得，而且費用全免架﹗詳情可瀏覽專題網頁。5月31日就截止報名，我哋快啲參加啦！」

《好僱主約章》2026專題網頁

⏩⏩  需要請人？立即刊登招聘廣告！  ⏪⏪