【Office有鬼】餐廳近收鋪有客人借廁所 侍應：我畀佢去，之後……

香港打工仔加班成常態，將近農曆七月十四日盂蘭節 (又稱鬼節)，深夜的辦公室會否特別與平時有點不一樣？有沒有總覺得有甚麼在自己附近……

這次記者訪問了幾位不同行業的打工仔，分享各行各業的靈異職場經歷，不知道大家有沒有遇過相類似事件？

撰文：霍芷晴

客人深夜借廁所

阿文是一位侍應，大約五年前在一間台式餐廳打工，那是一間在佐敦與油麻地之間的地舖，有落地玻璃，環境舒適，但客人不算多。「當時我哋有全職員工同埋兼職員工，但通常都會交畀全職員工收舖，因為我住得近，又冇咩所謂，所以多數交畀我一個人收舖。而我哋通常11pm就會唔畀客人入，然後抹枱、拖地、收拾水吧同熱吧，之後12mn就會正式落閘。」

延伸閱讀：【Office有鬼】記者深夜錄音 覺得畀人盯住 仲愈貼愈近⋯⋯ 職場新聞 趣聞 / 熱話

有一晚，他如常於11pm在玻璃大門放上暫停營業的牌，然後做其他收舖工作，「接近收好時，我諗住休息吓等打卡走人，有個着深藍色裙嘅女人想入嚟，仲好大力想開道玻璃大門。我話畀佢知我哋收咗舖，但佢一面焦急，面青口唇白，話想借廁所用，但其實我哋餐廳個廁所多數唔外借，平時如果啲人唔幫襯又想借廁所，我哋都會話廁所故障，實際上就只畀餐廳客人用。」

然而，阿文坦言，當日已經夜深，又沒有其他客人，加上他笑說：「我自己都試過肚痛又搵唔到廁所係好痛苦嘅，所以就算啦，畀佢去埋先，反正我仲未夠鐘收工。」

阿文讓女人進來後，她就一個箭步走向餐廳角落的廁所，而阿文就已經換好便服，在舖面打機等收工。

敲門冇反應

「但等咗都成10分鐘，佢都未出嚟，我估佢可能係腸胃炎？但嗰時都已經12mn，一到放工時間，我就好想走，因為咁啱之後嗰日我頂咗同事開早，所以想快啲返去休息。」然而，阿文又不好意思催那女人，於是再多等一會。

「愈等愈覺得唔對路，咁耐應該乜都搞掂吧？我怕佢係咪有咩意外，會唔會暈咗之類，於是就拍廁所門，問佢有冇事，使唔使幫手，但佢冇應我。」阿文再持續敲門，但女人仍是沒有反應。

「我覺得冇反應可能真係暈咗，所以都唔理得咁多，我打算撞開道門，點知一撞開門，入面乜人都冇……」

阿文本身完全沒想過自己會與靈異事件扯上關係，記者追問他，女人會否其實由後門或其他通道離開而他又沒為意而已？但阿文指，餐廳只有一道大門，故離開時必會經過他，「我手又震，心頓時涼了一截，真係驚到突然成個人不停震。之後同店長講，佢以後就編我哋兩個人一齊收舖，我真係唔敢再自己一個收夜……」

延伸閱讀：【Office有鬼】中環某大廈鬧鬼？都市傳說︰走廊有「無頭鬼」

延伸閱讀：【Office有鬼】OT撞鬼嚇到即刻走 網友︰廁所成日有怪聲 仲有人唱歌…

延伸閱讀：【職場熱話】雪櫃自動開閂 懷疑公司有鬼想轉工

CTgoodjobs 推出全港首創 WhatsApp 搵工平台「搵工快」，八大行業 2,000+ 前線、兼職空缺等緊你！

⏩⏩  需要請人？立即刊登招聘廣告！  ⏪⏪