【5000元消費券】被上司要求夾份買零食 打工仔︰每人要上繳$500消費券

期待已久的政府$5000的電子消費券，第一期終於到手了！相信各位打工仔早已想好怎樣使用這$5000，不過原來未必人人都可以自由地使用屬於自己的金錢，正如讀者「辦公室小薯」日前投稿大呻公司上司強制下屬使用消費券夾份買零食，最慘的是無人敢出聲反對…

按圖了解讀者「辦公室小薯」為何不敢反對︰

+11

+10

讀者「辦公室小薯」分享︰「上次政府每人派一萬蚊，今年無現金，諗住有$5000消費券都好啦！我仲已經諗好晒有咩要買，加埋幫屋企換少少電器，其實覺得呢筆錢都幾好用。

不過計劃永遠趕不上變化，我無諗過我公司個阿姐可以咁過份…上星期有日返工，佢無啦啦喺我哋條Team個WhatsApp Group提議，話每位同事拎消費券$200出嚟買零食。$200其實唔係咩大數目，不過我哋成班同事都唔想畀錢囉！成Team加埋Total要畀千幾蚊出嚟，大佬呀，買咩零食要咁多錢呀？最慘係我哋都無咩人食零食…食得最多嘅咪係阿姐囉…

我哋其實好唔想拎呢$200出嚟，唔明點解要益佢。不過我哋私底下傾過，真係唔知可以點拒絕，因為呢個阿姐好神經質。之前試過有人同佢拗，佢即刻向老細打小報告，然後嗰位同事份Appraisal被佢寫到花晒。所以今次成班同事都諗緊應該用$200趕走呢個瘟神，定係要集體反抗好。

之前上網見過有人話出咗消券之後，被屋企人支配晒啲錢，原來已經好幸福。點都好過畀一個大家都好憎、嘢都唔想講多句嘅公司阿姐支配呀！畀你哋，其實會點反抗？」

延伸閱讀︰【職場熱話】喺位食早餐、食飯超時、冇倒垃圾 通通記名！網民：慘過返學！

簡單5招遠離無聊辦公室政治
職場上有是非正常不過，但不想捲入辦公室政治糾紛，又應該如何做才是上策？以下有5個簡單方法，可以讓是非精乖乖閉上嘴巴。

簡單5招遠離是非精：（按圖了解）

+13

+12

延伸閱讀︰【職場熱話】間間公司都有正義女班長？打工仔：連我傾偈都要擇名記低……

延伸閱讀︰【員工福利】打工仔呻Lunch無得出去食 得半粒鐘食飯 網民：打工啫 又唔係做奴隸

⏩⏩  需要請人？立即刊登招聘廣告！  ⏪⏪