【返工血淚史】肚痛遇上塞車 打工仔：覺得10分鐘好似1個鐘咁漫長

不知道大家考慮一份工作時，會將人工、交通、滿足感，這三項如何排序呢？應該很多人都會毫不猶豫地將人工放第一位吧？但當你住屯門，日日都要過海上班，或每天花4小時在往返屋企與公司，更遇上一些非常不堪又悲壯的狀況時，你可能會考慮將交通排第一吧？

撰文：霍芷晴

過三關才不遲到

阿全是一位80後女生，任職平面設計師，她自小便住在屯門，笑言：「我試過喺太古、鰂魚涌、灣仔、九龍灣同觀塘返工。」全都是長征般的路線。 

她指以前覺得在灣仔返工真的很痛苦，「因為每日都要過三關，分別係屯門公路、西隧、中上環路段，全部都有塞車危機 ，只要塞其中一關，你都會遲到。所以至少要預兩個鐘出門口，先會有機會準時返到工。」

延伸閱讀：【返工血淚史】觀塘放工返屯門 打工仔：瞓咗成個鐘都仲喺鑽石山⋯⋯

以為瞓覺可以戰勝一切

然而，阿全表示最難忘還是返九龍灣時的一次，「最慘痛係車程長遇上肚痛⋯⋯」記得大約兩年前，網上討論區上的一篇潮文《忍屎，令我體會到意志可以戰勝一切》，阿全一聲嘆息，表示完全身同感受。

「嗰次我出門口前已經覺得有少少肚痛，但根據我多年肚痛經驗，又趕住返工，我相信少少痛我係忍到嘅！所以就膽粗粗照常落街搭車。」然後，阿全形容可怕的故事就如此開始。

「以我嘅人生經驗，只要瞓覺就可以忘記一切，所以一上巴士我就迫自己瞓覺，點知每10分鐘就痛一次，就好似陣痛咁準時！我完全瞓唔到，巴士去到深井路段時，仲密到每5分鐘就痛一次！另外，龍翔道嗰段路一向都非常凹凸不平，平時巴士行經呢段路時，我都覺得好似玩緊機動遊戲咁，但嗰日，真係每一下都係地獄嘅感覺。」

10分鐘就如1小時般漫長

阿全指巴士每震一下，她都覺得肚痛一下，「我覺得火山就嚟爆！全身出晒冷汗，覺得自己塊面已經青到就嚟暈低，真係好想喊⋯⋯然後，我感覺到有少少溢出⋯⋯」之後她立即查看Google map，打算中途在黃大山商場先下車解決，再安排回公司。「Google map話去黃大仙商場仲有10分鐘，我一生第一次覺得呢10分鐘好似一個鐘咁漫長！」

然而，阿全決定用盡意志力去忍耐多10分鐘，並希望旁邊的乘客沒察覺到臭味，「點知⋯⋯架巴士停咗。塞車。」這彷彿是最絕望的判決。

阿全指：「一到黃大仙，我腳都軟埋，但都扮鎮定慢慢行去商場廁所。最後，一檢查，瀨咗少少喺褲度⋯⋯但冇辦法 ，腸胃炎真係忍唔到，呢次經歷真係好慘痛 。 」 

如果有如此體驗，再考慮一份工作時，你會將人工、交通、滿足感，這三項如何排序呢？

延伸閱讀：返工血淚史】打工仔最怕係返工放工搭車 網民：打尖、踩鞋⋯⋯

延伸閱讀：【返工血淚史】每日來回4個鐘返工？網友︰橫跨成個香港 好辛苦

延伸閱讀：【返工血淚史】「新界牛」搭車返工好痛苦？網友認真提N建議

CTgoodjobs 推出全港首創 WhatsApp 搵工平台「搵工快」，八大行業 2,000+ 前線、兼職空缺等緊你！

⏩⏩  需要請人？立即刊登招聘廣告！  ⏪⏪