【返工血淚史】打工仔最怕係返工放工搭車 網民：打尖、踩鞋⋯⋯

打工仔每天最艱辛的任務是與時間競賽，趕返工及趕放工。前幾年，公共交通應用程式moovit曾分析全球5000萬名用戶的出行紀錄，並指出香港人每天平均花73分鐘通勤，成亞太區之冠。

73分鐘似乎是基本消費，很多香港打工仔都需要跨區上班，就如屯門到觀塘、粉嶺到柴灣、元朗到將軍澳，相信你身邊總有兩三位每天得用上兩小時以上返工放工的跨區上班同事吧？而令人磨滅意志的通勤慘況亦時常成為討論區的熱門話題，有網友以「有冇人覺得返工，最慘就係返工放工搭車」為題，不少人因而訴說自己的慘況。

只為搭車安穩

有網民指很多人為求走入車廂，習慣強硬推撞、踩鞋、未落車就趕上車，亦有人喜歡一直霸着門口位，不肯稍為讓人下車。亦有網民表示：「排隊貼住我背做乜啫！未行就推，排我後面變咗企我側邊，之後仲打埋我尖。」、「好多時排兩邊，留中間畀人出，但啲人就一開始從後衝去中間。」、「隔幾個位大聲傾偈，想瞓吓都唔得。」

有網民表示，為了可以避開放工的人潮，寧願放工先去超級巿場先逛一逛，又或者在公司多坐半小時才真正下班。

延伸閱讀：【屯門牛之苦】 日花1.5小時返工加OT 網民大呻：想有私人時間

真實個案  鍾小姐：試過喺地鐵度喊

鍾小姐的職業是客戶服務部的文員，她居住在調景嶺，上班則在大窩口，每天都會搭地鐵上班。「搭完綠色線再搭紅色線，大約花50分鐘左右，計埋我行去地鐵站同埋搭shuttle bus返公司，返工時間要預1.5小時；觀塘線比較多人，但我返工喺調景嶺總站上車會有位坐，可以睇吓書，時間都冇咁難過。」

她續道：「但放工真係地獄嚟！放工搭完荃灣線之後，喺太子轉車就係地獄嘅開始。試過多人到等兩班車先上到，然後辛苦迫上車廂後，人貼人真係好恐怖，我見過有個大媽夾硬要上車，迫咗上去，但最後畀人推返出嚟⋯⋯嗰時我喺度諗，大家只係為返屋企，點解香港咁多人，點解大家都咁慘。」

鍾小姐坦言，有時工作太累，放工後就只想放空讓腦袋休息，但面對如此激烈的爭上車狀況，真的令她很頭痛，「有一次因為打風落雨，特別多人喺同一時間放工，而我生得唔高，嗰次畀人迫到去車廂中間，又捉唔到條扶手，頭頂對上又冇手環扶手，得最高嗰條橫扶手，我踮起腳先勉強雙手捉得住，成個姿勢就好似畀人吊起拷問咁！捉得耐，手腳都痹晒，嗰下覺得自己係咪真係要一直咁落去，日日花喺交通上啲時間咁痛苦，真係為咗乜，然後就忍唔住喊咗出嚟。」

但亦因為此次經驗，鍾小姐下定決心轉工，而轉工計劃之中，交通是她首要的考慮條件，「而家轉咗喺觀塘返工，雖然都係人多，但係我只需要捱三個站，你知唔知需時幾耐？只係十分鐘！十分鐘呀！我覺得真係天堂！多咗好多私人時間可以用，6pm收工，我6:30就可以返到屋企。以前都冇諗過交通時間會咁影響一個人嘅情緒。」

雖然，很多打工仔都是金錢至上，審視一份工作時，都會以金錢為考量，但交通時間會直接影響工作與生活的平衡，心靈和精神的健康都是生活重要的一環，所以，交通時間不是一個能小覷的因素。打工仔們，如果返工放工的通勤時間太長，你會否考慮搬屋或轉工的可能性？

延伸閱讀：【返工天堂】荃灣應有盡有返工一流？ 打工仔：唔覺喎！

延伸閱讀：抗疫WFH】打工仔篇：WFH改變工作模式 大學技術支援：喺屋企仲忙過返工

延伸閱讀：【抗疫WFH】打工仔篇：無法WFH的行業 外賣員：冇錢冇得生存 比中招更可怕

CTgoodjobs 推出全港首創 WhatsApp 搵工平台「搵工快」，八大行業 2,000+ 前線、兼職空缺等緊你！

⏩⏩  需要請人？立即刊登招聘廣告！  ⏪⏪