【返工血淚史】上長途車前要去定廁所?網友定律嚟架啦!
每日返工放工都要長途跋涉?每次搭車都起碼個幾兩個鐘?「長遠程工作」的確令人卻步,無奈愈來愈多港人搬遷至新界居住,而大多的辦公室都位於九龍及港島,逼於無奈都忍受上下班的煎熬。最近,有住在屯門的網民在Facebook專頁「屯門公路塞車關注組」出Post,問各位「有冇人上屯門公路前,急唔急都必會先去廁所一轉?」,引來一眾屯門友討論,更令其他非居全新界的打工仔非常好奇 — 究竟搭長途車途中人有三急點解決?!
延伸閱讀︰【返工血淚史】轉新工由屯門返柴灣 網民教路:搭OO最快!
上車前去定廁所?網民︰定律嚟架啦!
假設你搭巴士,由市區搭車返新界,車程最快都一小時起跳,如果途中大家人有三急,又可以點?網民在Facebook問完「有冇人上屯門公路前,急唔急都必會先去廁所一轉?」後,其他屯門友即時「有反應」︰「放工前急唔急都去一次」、「急咪停路邊 唔該借借」、「搭車前半個鐘唔食唔飲好基本」、「定律黎架啦」、「個肚有古怪一定要爆咗先上車」,更有人話最驚是夜晚食完放題後,隨時會肚痛,所以如非必要都要選擇搭港鐵,否則遇上大塞車,一定嚇窒同車人。
延伸閱讀︰【返工血淚史】觀塘放工返屯門 打工仔:瞓咗成個鐘都仲喺鑽石山⋯⋯
打工仔分享肚痛遇上塞車︰10分鐘好似1個鐘咁漫長
CTgoodjobs曾訪問居住屯門的打工仔阿全,她表示最難忘一次經歷,是有次搭長途巴士去九龍灣返工時,突然在車上肚痛…