【行業秘聞】前賣bra售貨員揭一入職被要求講大話！大爆：只係將條帶校鬆緊…

打工仔身邊都有很多各行各業的朋友吧？他們會不時分享一些行業秘聞給大家知道嗎？例如有飲食店廚房原來不設明火，全都只是微波食物；又例如有時裝店說給你拿一件新的衣服，其實只是摺好display那件給你等等。了解不同行業秘聞，真的令大家大開眼界……

延伸閱讀：【NGO】導盲犬同治療犬有咩分別？ 訓練員：治療犬嘅職責就係「玩」！

有網民在社交平台專頁「奴工處」上投稿分享，指自己以前從事賣女性內衣專門店的售貨員，不過一入職卻被要求講大話，以不誠實的手法去銷售貨品，看到前同事門的銷售手法，使她不禁側目並感有違原則……

即睇事主分享及網民回應：﹙按圖了解﹚

+10

+9

事主：「以前返賣bra，一入職就教我哋點講大話！」

事主：「例如個客係75C，冇嘅話正常都會check吓分店有冇先，有就搵個款畀佢試碼先，啱碼就叫客過幾日嚟拎。」

事主：「但佢哋做法係唔check，直接搵定有嘅類近碼﹙75B、75D、80A…etc﹚出嚟先，畀其中一至兩個個客試先。」

事主：「同佢講：『我哋呢個款偏緊/鬆，你試下呢個碼啱唔啱先？』再根據返個客講嘅情況，再畀埋手上嘅佢哋。」

事主：「隔一陣就懶nice問佢着好未，我哋幫佢調整吓睇吓。事實上係客嫌緊，我哋就校鬆條帶；嫌鬆就校緊條帶同扣入一格。」

事主：「試過個客最細嘅碼都鬆，同事直接校到最緊再將成個bra向後拉，然後勁讚啱碼，個客好開心咁買咗幾個走。」

事主：「最過份嘅係賣成幾百蚊一個bra，一百蚊一條底褲，但係淘寶淘返嚟。」

事主：「最平20蚊人仔有交易，皇牌款100蚊有交易，仲要人哋係一set嘅價錢嚟。」

事主：「平生都未試過講咁多大話，做咗冇耐就走咗。補充返：已全線執晒。」

網民：「其實做sales，最難喺公司同顧客利益之間取到平衡，完全企公司嗰邊好難有回頭客，企晒客嗰邊，公司就執笠，點present畀客又保持客觀真係唔易。」

網民：「做生意頭一年，咩手法都成功，只要有想法，會做刀手；但第二年。有幾多回頭客就知道幾時倒閉。」

網民：「唔怪得成日買咗返去都唔啱，明明試嗰陣都ok！」

網民：「最憎冇嗰個cup，叫你轉size，戴唔啱啲肉會變副乳，胸會變細，Sell你push up，太緊太迫又係唔健康。」

對得住良心
事主實在覺得該店的銷售手法有點卑鄙，過不了自己的良心，所以毅然辭職，而該公司亦已全線結業。有網民指了解事主的內心掙扎，道：「其實做sales，最難喺公司同顧客利益之間取到平衡，完全企公司嗰邊好難有回頭客，企晒客嗰邊，公司就執笠，點present畀客又保持客觀真係唔易。」

雖然不容易，但一定要記住，要過得到自己的良心。

延伸閱讀：【NGO】導盲犬同治療犬有咩分別？ 訓練員：治療犬嘅職責就係「玩」！

延伸閱讀：【另類職人】前啱Channel演員柔柔 由幕後到＿幕前再轉做瑜伽導師

延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！

延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！

延伸閱讀：【另類職人】凶宅清潔師見盡凶案現場 血跡未算最驚心 更試過被報夢…

⏩⏩  需要請人？立即刊登招聘廣告！  ⏪⏪