【萬聖節行行有鬼故】深夜送外賣去工廈 一打開升降機竟然係OO!

【萬聖節行行有鬼故】深夜送外賣去工廈 一打開升降機竟然係OO!

疫情之後,很多人為了幫補一下正職,都加入了成為外賣專員的行列。外賣員走遍香港各個地區,總遇到過不少奇怪客人吧?而在萬聖節前,客人真的是客「人」嗎?

延伸閱讀:【萬聖節行行有鬼故】樂園識員收夜 驚見價錢牌OOOO!

有網民在社交平台專頁「巴打絲打11鬼故台」上投稿,分享一次自己朋友充當外賣員的經歷,單是想像自己經歷,已經感到毛骨悚然……

即睇事主分享:﹙按圖了解﹚

事主:「我聽做緊外賣 App嘅朋友講,有晚,佢要送外賣去工業區,大家有去過都知,工業區一到夜晚基本上都係冇人。」

事主:「不過唔排除有啲人要 OT 又或者係 BAND 房夜晚要練習叫外賣,」

事主:「雖然好少送去工業區,不過有單都照做,鬼叫窮。」

事主:「去到樓下,冇看更,照上。去到嗰層,打開門嗰下我朋友嚇到呆咗,因為佢見到一道磚牆!」

事主:「道牆同部升降機之間可以企到一個人,我朋友原本有諗過行出去睇吓,但係又怕有乜事落唔返去,夾係中間。」

事主:「之後佢原升降機落返去,睇下有冇另一個方法上去。去到大堂,個看更都係唔係度,佢用另一部升降機上去……」

事主:「一打開,都係磚牆……佢拍咗兩下牆,睇下係唔係真牆,結果真係實嘅,佢再原升降機落……」

事主:「落到大堂,個看更返咗嚟,問我朋友做乜。見到我朋友問佢去邊層樓,我朋友咪話:『送外賣去X樓』」

事主:「看更聽到係 X 樓就嚇一跳,話 X 樓封咗好耐,冇人租,都冇人用緊,得返後樓梯可以入到去。

事主:「我朋友就覺得有問題,開返個地址睇,冇錯呀,係嗰層,仲畀埋個看更睇,個看更都只係一句『撞鬼囉!』」

事主:「之後我朋友打電話畀個客,想問佢係唔係打錯地址。但係打咗幾次都冇人聽,決定喺樓下等吓,」

事主:「睇吓個客會唔會打返畀佢,但係等咗陣都係冇反應,打去又冇人聽,就問公司應該點做,」

事主:「公司話呢啲情況可以自己處處理啲食物……原本我朋友都想自己食……」

事主:「不過諗諗下唔對路……最後都係打開放係街邊算……」

網民:「識用App叫外賣咁犀利!」

網民:「電梯同牆中間個空位,其實好危險,曾經有人試過出咗去之後,道門閂埋,佢唔夠位按唔返電梯掣,困咗幾日喺嗰度,差啲死,好彩呢位送外賣朋友平安。」

網民:「放心,確確實實咁去咗異度空間,之前有個嘉利大廈倖存者,都有類似經歷先避過一劫。」

網民:「邊有咁多鬼,依家工廠區先多人呀!搬晒啲場上工廠區,夜晚隨時同日頭一樣咁多人。」

 

鬼識用外賣App!
有網民說笑:「識用App叫外賣咁犀利!」連鬼都識用外賣App了,真的與時並進!但亦有網民就安全問題,提醒外賣員要留意危險,別因為好奇而令自己身陷險境。

不過,如果大家遇到上述情況,又怎樣處理呢?吃掉外賣?還是與事主一樣,快快走為上策?

延伸閱讀:【萬聖節行行有鬼故】樂園識員收夜 驚見價錢牌OOOO!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【另類職人】前啱Channel演員柔柔 由幕後到幕前再轉做瑜伽導師

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;