【萬聖節行行有鬼故】樂園職員收夜 驚見價錢牌OOOO！

萬聖節將近，到時在街上都分不清誰是真鬼、誰是扮鬼……在狂歡的節日，還有打工仔撞着真鬼，面對如此情況，大家又會如何應對呢？【萬聖節行行有鬼故】一連幾天與大家分享各行各業的鬼故吧……

延伸閱讀：【另類職人】前啱Channel演員柔柔 由幕後到幕前再轉做瑜伽導師

有網民在社交平台專頁「巴打絲打11鬼故台」上投稿分享，指明明已關門的商品店鋪，只餘下自己與同事二人，在關掉所有風扇和冷氣後，竟然看到……

即睇事主分享：﹙按圖了解﹚

+11

+10

事主：「話說我曾經係香港某大主題樂園做咗一個暑假，喺商品部做咗幾個月，平時都係執吓貨、企吓，咁就一日。」

事主：「 咁啱我發生事嗰日，我嘅編更就係先去後勤區嘅一間只係接待員工嘅細舖，」

事主：「先做幾個鐘頭嘅執貨企場，收舖再轉去酒店繼續工作。背景交代完繼續，故事開始。」

事主：「嗰日六點鐘左右，對員工嘅呢間細舖收舖準備埋數，因為我年資較淺，埋數嘅工作由我同事負責。」

事主：「當日收舖只有我同另一位同事，咁佢專心埋數，我就幫手熄冷氣熄風扇同鎖門。」

事主：「我做晒我要做嘅嘢之後企喺收銀處側邊睇住佢做嘢，無聊周圍睇吓有冇嘢未做完，

事主：「突然間有一樣嘢吸引到我嘅視線。」

事主：「喺同我冇幾遠嘅距離，有幾件掛起咗嘅T shirt，每件T shirt都有一個釘住係件衫吊住嘅價錢牌。」

事主：「個塊價錢牌自己轉緊。我以為自己眼花，點知真係冇人掂佢之下，自己轉嚟轉去。」

事主：「頭先講到嘅熄風扇熄冷氣係關鍵，所有能夠產生氣流嘅電器已經熄曬，」

事主：「舖入面只有我同另一位同事，到底係邊個轉個價錢牌呢？」 

事主：「我拍一拍我同事，眼望住個個方向，佢都跟住我一齊望，佢同我微笑，急急腳埋完數走人。」

事主：「我一直以為呢個主題樂園嘅所有故事都係啲員工悶得濟，作啲嘢出嚟嚇吓自己人。」
事主：「到自己真係入咗去做，先知好多故事都有可能係真……」

是同事還是……？
有網民表示看完事主分享後感心寒並指：「你個同事同你微笑？你確定個同事真係你嘅同事？」亦有網民開玩笑說：「我做通宵超市，好多時啲貨會係嗰架到自己跳落地……」

，「呢個真...因為對面有條友推啲貨。」

至於事主所見是否屬實？信不信由你了……

延伸閱讀：【另類職人】前啱Channel演員柔柔 由幕後到幕前再轉做瑜伽導師

延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！

延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！

延伸閱讀：【另類職人】凶宅清潔師見盡凶案現場 血跡未算最驚心 更試過被報夢…

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀：【另類職人】劍擊十年 由運動員到社工 轉職感言：兩者最着重同是「溝通」

⏩⏩  需要請人？立即刊登招聘廣告！  ⏪⏪