【萬聖節行行有鬼故】前同事過勞死 之後曾出現喺公司影印 網民：搵人打齋叫佢收工啦

萬聖節將置，這幾天總是看到很多人扮鬼出沒，可是，你又怎確定那是「扮」，還是真的呢？這幾天如果在公司加班，又會否看到某些「朋友」呢？

延伸閱讀：【萬聖節行行有鬼故】飲醉搭車回家 的士司機問：兩位先生去邊？ 一落車發現…

有網民在社交平台專頁「巴打絲打11鬼故台」上投稿，指在公司加班時，遇到怪事……他以「發現咗幾張白紙……個同事話：『又係佢……』」為題分享。他指，以前公司有位同事，好拼命、好捱得，但都因為太拼命，最後過勞死，而他死前一日還OT趕份proposal，所以都聽過有同事試過OT時見到他……

即睇事主分享：﹙按圖了解﹚

+13

+12

事主：「我平時盡量唔OT到咁耐，但上星期忙到PK，基本上放工都要留喺公司一陣。」

事主：「當時我啲同事出咗去食飯，我等緊個電話就唔行開了，所以叫佢哋幫我買，得返我一個留喺公司。」

事主：「就喺我專心做嘢嗰時，我聽到啲聲，但我無理，照做……然後隔咗一陣，我又聽到啲聲……」

事主：「今次終於忍住，抬起頭望吓，隱隱若若我見到有個身影企喺部影印機隔離。」

事主：「因為角度問題，我唔係睇得好清楚，嗰吓我以為有人返咗嚟去咗印嘢，所以就低頭做自己嘢。」

事主：「本身我都唔太記得呢件事，但當我啲同事返咗嚟拎外賣畀我嗰時，我又多口問咗句：『你哋頭先分開返嚟？』」

事主：「同事居然答我：『唔係呀，我哋一齊上嚟嘅。』我心諗，唔係掛，咁我睇到個身影係邊個？」

事主：「我忍唔住同同事講頭先件事，之後我哋行咗去部影印機度，發現咗幾張白紙。」

事主：「而呢幾張紙就放咗喺出紙嗰個位，但影印嗰個位又冇放任何紙張。」

事主：「同事嘆咗口氣：『又係佢……』原來都唔係第一次發生，基本上有一定資歷嘅同事OT時都遇過。」

事主：「自從當年個過勞死同事走咗之後，就有人喺OT時見到有個身影企喺部影印機隔離，不過除此以外，都冇其他騷擾行為。」

網民：「叫老細搵人打齋叫『佢』收工啦！死咗都仲要趕Proposal。」

網民：「可能佢唔知自己已經走咗！」

網民：「唉……好慘，死咗都仲要OT，佢老闆係咪應該請師父幫佢，叫佢收工，早日輪迴。」

網民：「過勞死，個上司同個老細最大責任， 應該跟住佢哋嘛！」

網民：「成件事最恐怖係死咗都要返工、OT，香港人真係慘……」

辦公室的鬼故總是令人毛骨悚然，但同時都提醒我們要注意自己的身體！工作過勞致病或致死，現時本港法例上仍未設任何保障，可是本港每年有逾百打工仔因為工作而過勞死，大家應該有所注意，別把自己迫得太緊！

延伸閱讀：【萬聖節行行有鬼故】飲醉搭車回家 的士司機問：兩位先生去邊？ 一落車發現…

延伸閱讀：【萬聖節行行有鬼故】同事食飯會拎多張櫈、擺多套餐具 唔通係養OO？

延伸閱讀：【萬聖節行行有鬼故】深夜送外賣去工廈 一打開升降機竟然係OO！

延伸閱讀：【萬聖節行行有鬼故】樂園識員收夜 驚見價錢牌OOOO！

延伸閱讀：【另類職人】凶宅清潔師見盡凶案現場 血跡未算最驚心 更試過被報夢…

⏩⏩  需要請人？立即刊登招聘廣告！  ⏪⏪