【職場理財】打工仔為慳錢日日計住時薪食Lunch 網民：不如帶飯算啦

打工仔賺的一分一毫都是血汗錢，不少人為了儲起收入，日常生活每筆消費都要「左度右度」。最近有網民在討論區分享同事的慳錢方法，就是按時薪去限制自己每日食Lunch的開支。有人認為此做法太極端，間中「食好西」可以慰勞辛苦工作的自己；亦有人表示最慳錢就是帶飯，而且可以一碟餸分幾日食。

延伸閱讀：【職場熱話】公司Team Lunch鍾意食貴價餐廳 財困打工仔：點開口叫同事食平啲？

按圖了解同事的慳錢貼士：

+12

+11

打工仔：「同事今日分享，話自己理財貼士係謹慎消費。其中一項就係計住自己時薪，去選擇食乜價位嘅lunch。仲話如果餐飯超過時薪的話，會覺得良心不安，個心乸住乸住。我聽完好慚愧，我平時無咁嘅習慣，難怪人哋慳到錢。我好佩服佢，我淨係諗中午想食乜，完全無諗過自己做一個鐘夠唔夠食餐飯。想八卦吓有無人都會咁做？我咁食法算唔算太大使？」

網民意見：
網民A：咁搞笑，時薪同lunch掛鉤。除非做part time啦，如果唔係唔會咁樣計住……要慳就直頭帶飯啦～

網民Ｂ：咁唔通賺幾百蚊一個鐘，餐餐食幾百蚊咩，呢個講法有啲奇怪。

網民Ｃ：又唔係日日食幾百蚊lunch，連食個飯都計過度過，做人太辛苦。

網民Ｄ：我會大約預一星期總共食幾多錢，萬一有餐食貴咗，另一日食平啲拉番勻。

網民Ｅ：咁講法，樓主你咪可以推斷到佢幾錢人工？哈哈～

網民Ｆ：我會計住自己幾錢日薪去買嘢，有時會諗做幾日先可以買到，無謂買啲唔等使嘢，慳唔少！

網民Ｇ：辛苦搵嚟志在食，間中食下好嘢，唔好刻薄自己，個人都開心啲。

網民Ｈ：做part time嘅話我會計呀，最好份工嘅時薪係可以畀到來回車錢加lunch。

網民Ｉ：以前我計過，發覺都係自己帶飯最平，一份魚$20加一斤菜，分開一半帶飯，年中慳唔少。

如果你正值糧尾手緊時期，但屋企又沒有人煮飯，難道真的要捱麵包度日？最近有網民分享茶餐廳最抵食的碟頭飯，食物種類豐富，而且價廉物美，絕對是打工仔「糧尾恩物」！

網民熱選10大茶記碟頭飯：（按圖了解）

+17

+16

延伸閱讀：【職場理財】賺極都儲唔到錢？學識「六個罐子理財法」　你都做到有錢人

如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/XwPwhQ4ZfkSEDKRR6

⏩⏩  需要請人？立即刊登招聘廣告！  ⏪⏪