【職場熱話】返工太有責任感好蝕底？網民：連續幾晚夢見老闆嚇到彈起

2021-01-25

香港工時長，加上疫情令行業前景不明朗，打工仔承受巨大工作壓力。近日有網民分享自己返工太上心，即使放工也不時想著公事，為工作而擔憂，甚至夜晚發夢見到老闆捽數，嚇到成個人彈起。你也遇過這種情況嗎？

延伸閱讀：【職場熱話】90後00後做嘢唔上心？網民：就算幾努力都好難向上流

許多人都說要為工作與生活劃下界線，但實行起上來一點也不容易，尤其是對一些「責任感爆棚」的員工，根本控制不到腦海浮現出公事。有網民近日飽受公事煎熬，「返工太上心都唔係好事，呢2晚連續發夢夢見公司嘢，仲見到阿姐追我交貨，個頭痛咗幾日，早午晚都要食止痛藥。真係好想辭職唔做，但係見人人都話失業，自己遞信唔撈好似好衰，每日都好煩惱。」

原來有不少網民有相同經歷，「你有覺好瞓已經好好，我成日諗住公事搞到失眠，明明OT完好攰，但總係瞓唔著。」有人提議事主找尋其他興趣分散注意力，例如煮飯、煲劇、做瑜珈等，學習放下對工作的執著。

按圖即睇網民分享：