【職場熱話】返工全男班、朋友個個做爸爸 單身打工仔:30歲仲係A0係咪好有問題?

【職場熱話】返工全男班、朋友個個做爸爸 單身打工仔:30歲仲係A0係咪好有問題?

當工作了好幾年後,在繁忙的工作中回過神來,發現自己原來用了太多時間於工作上,沒有好好地照顧自己的感情生活。當看到身邊朋友原來已經一個又一個地結婚和組織家庭,自己都很想有一個伴侶可以分享生活和感受……有單身的打工仔苦惱地問:「如果30歲仲係A0冇拍過拖,係咪好有問題?」大家可能會沉默,然後給予他一個安慰的眼神?

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

有男網民在討論區Dcard上以「成三十歲人都冇畀人鍾意過,係咪好有問題?」為題分享,「細個嗰時中小學都讀男校,識唔到女仔,又覺得讀到書入大學就自然會識到。點知到咗嗰幾年又遇唔到啱,試過曖昧緊嘅又失驚無神話掛住返ex,試過鍾意嘅,對方又唔鍾意自己。A0 grad咗之後返工又全男,想識返個同齡女同事都冇。就快三十歲人,最近見到fb有中同做咗爸爸,好感慨自己咁耐都冇畀人鍾意過,係咪好有問題?啲人成日都話A0咁耐,性格實係差到貼地……」

網民感到事主的無奈與真誠,紛紛都安慰他和建議大擴大自己的社交圈子。

即睇網民回應:﹙按圖了解﹚

網民:「只係未遇到啫。」

網民:「只係緣份未到,單身時候去參加多啲活動,呢個方法真係老土,但唔試又點知呢?多少少表現自己,但唔好太over,自然會吸引到欣賞你嘅女仔啦!」

網民:「唔使驚,我老豆都係四十歲先遇到我阿媽!」

網民:「呢樣嘢唔係想有就有,亦唔係努力有有成果 ,所以諗嚟都無用 ,個天唔畀就做乜都無用。」

網民:「你收埋自己喺自己嘅圈子,又點會識到新嘅女仔?多啲玩吓其他活動、學下興趣。」

網民:「我23歲都有中同做媽媽,仲有啲小同同中同都已經結咗婚。」

網民:「樓主你可以試吓玩多啲唔同活動,話唔定有新發現呢!千祈唔好諗自己咁大個人未拍過拖係有問題!」

網民:「講真啲話,一定有女人都好似你咁,一直係全女班,又識唔到鍾意的人。試吓有冇朋友介紹,出去唔同活動、義工或者教會、join吓唔同興趣班;冇機會同異性相處,自己造啲機會出嚟。同埋要求唔好太高,又要對方A0或純情,又要樣靚身材正的話,應該有啲難度。如果你好有條件,咁你就堅持自我。唔知你係點嘅人,不過試多啲唔同識人的活動,再唔得就玩交友App!」

網民:「其實睇點睇,好多有拖拍嘅人出pool原因係夠aggressive,覺得有可能就會去approach(傾向試下先+慢慢磨合咁)。」

網民:「A0無pool出,好多主因係會睇定啲咁,覺得真係好夾先出擊(好夾好夾真係肯定做得男女朋友先行動派)。」

網民:「兩者本身各有各好,A0都唔代表啲咩,只係代表你目前無拍拖對象。或者可以思考下自己鍾意點樣做先開心,繼續keep住後者type定見到好就捉緊機會衝。」

網民:「我都明嘅,有時候真係想休息多過玩,所以內心都有少少矛盾。但係正正係因為呢個生活模式同圈子,一直都冇機會認識異性。」

 

多主動為自己爭取機會
雖然有網民指感情發展與戀愛的機會難強求,「呢樣嘢唔係想有就有,亦唔係努力有有成果 ,所以諗嚟都無用 ,個天唔畀就做乜都無用。」不過,有時都要主動地為自己爭取機會,不能一味怨天尤人,並苦嘆沒有機會給予自己。

所以有很多網民提議事主多擴大自己的社交圈子,主動一點分享自己,為自己製造機會。尤其現時科技進先,除了參加興趣班外,還可以使用交友app,只在於你是否願意踏出這一步!

但同時又別太氣餒,有網民亦安慰:「唔使驚,我老豆都係四十歲先遇到我阿媽!」先別着急,會有最好的安排給你。

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告