【職場熱話】自覺生活圍繞舊公司 無咗自己失方向 網民:畀多啲自由時間自己

【職場熱話】自覺生活圍繞舊公司 無咗自己失方向 網民:畀多啲自由時間自己

近年不少打工仔追求工作與生活平衡(Work-Life Balance),不過繁忙的香港人又豈能真的做到。在2020年,一間美國手機保安技術公司發表「Work-Life Balance 城市排行榜」資料,香港在50個城市中排名第45位,可見打工仔難以實行真正的Work-Life Balance。

有打工仔在網上討論區訴苦,指自己的生活很多時間都被舊公司所佔據,到離職後,覺得自己沒有方向,不知道該怎辦,網民紛紛提出意見,指事主應該有屬於自己的時候。

點圖了解更多事主經歷:

1/曾經我喺返文職兼職嘅時候,曾經畀一啲心理唔平衡嘅上司催迫,有過呢啲經驗,固然非常難受,但同時心底裡面覺得佢哋好可憐。

2/嗰陣時候會覺得佢哋無朋友、無家庭、無生活,又要拖埋其他人落水,要其他同事陪你,同你一樣無生活,人哋當公司係屋企人,但公司就唔當佢哋係人。

3/點知到自己出嚟做咗幾年嘢,覺得佢哋嘅生活,係我未來嘅寫照。

4/無朋友、無拖拍、同屋企人關係疏離,只有工作上遇到嘅人同事可以寄託。

5/早幾個月離開舊公司,將所有嘢交接好晒,但我無一種好興奮嘅感覺,反而有種好強烈嘅空虛感。

6/老闆同我講:「你安心返新工,我搵到新同事啦」聽到嗰陣只係覺得呢個地方唔需要我,反思「我」係屬於邊度?

7/呢種感覺沉澱落嚟,細心反思,其實幾恐怖,好似代表我唔需要幾耐就會變成無生活嘅社畜

網民回應:
A/唔需要屬於邊度,返工本身就無話啱唔啱,所以我返工,一向都早啲收工,畀多啲自由時間自己

B/因為你嘅生活只有返工,不如試吓搵啲有興趣嘅嘢做吓,打機又好,運動又好,仲可以識到朋友添

C/只要你仲有同理心,就算做咗社畜都好,你都唔係好乞人憎嗰班人

D/點解一定要屬於其中一個地方,要對一間公司有歸屬感?

E/好似睇到未來嘅自己

 

學會Work-Life Balance
若果只將生活建立於工作上,可能會對身體、精神健康造成影響。為了自己的健康,應該要學會做到Work-Life Balance。

有創業家Jonathan Long就曾經建議5個做到Work-Life Balance的好方法,分別是將生命中的事物價值排好優先次序、計算自己可用的時間、公事上學會拒絕、明白狀況不可能會完美,以及在家人、個人時間不工作。
相信透過這5個方法,有助你能夠在工作與生活中,取得更好的平衡。

即使跟同事很親,有甚麼是不能夠說?參考以下7個不能說的秘密。

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;