【職場熱話】老闆下令搞環保極擾民員工：根本係假環保真度縮

2020-09-09

香港有許多企業也響應環保，在辦公室實施了各種綠色政策，為地球出一分力。這些措施的出發點本來是好，不過有些老闆借環保之名，實際上只想減低公司開支，間接令員工受苦。有網民在討論區分享，「老細口講環保，其實想慳電費，公司冷氣唔可以低過26度，夏天個個都滴晒汗想死，最慘連廁紙都要逐卷計錢，想拎多幾張抹汗都肉赤……」

延伸閱讀：【職場熱話】同事叫外賣成日走數網民：貼個PayMe QR Code係佢枱面

早前有網民在討論區大呻，認為老闆實行綠色政策的目的志不在環保，而是想盡辦法「慳得就慳」，間接剝削員工的福利，令他大感不滿。他指：「自從新老細兩個月前上場，就話要改革將公司變成綠色辦公室，成日開會Share環保新聞，下令Admin大大小小每樣嘢都要盡量環保。」

起初員工都贊成要環保，但漸漸發現某些措施極不人性化，甚至影響員工士氣。「近排真係好熱，我哋著Full Suit大汗疊細汗行返公司真係想歎下冷氣，但老細堅持唔畀人較低過26度，吹出嚟嘅風係熱，如果可以我真係想打大赤肋。」而且，公司不再提供文具用品，「每次拎廁紙、印文件等等，Admin都會Mark低個名，去到月尾會統計邊個做得最多同最少，唔知係咪想秋後算賬。」

大部分的網民都認為措施欠缺彈性，而且老闆很「度縮」，沒有必要以記名制警剔員工。亦有人說有其他更好的綠色政策，包括設置廢物回收桶、購買含再造成份的紙張等等。

即睇網民回應：（按圖了解）