【職場熱話】爆行內2大壓搾現象 設計師一個Job原來值……

各行各業皆有辛酸，繼早前銀行業的打工仔在討論區大呻壓力山大，工作易分心致出錯。今次就到設計界的打工仔在討論區發聲，訴苦道「做嘅嘢燒腦、燒精神，錢就得雞碎咁多」，更爆出設計界同行被壓搾的現象。

事主指得悉現時香港Freehunter的工作，如設計商標或手繪插畫，每一份酬勞只得1千元，卻有數十人在爭取，覺得香港的設計界同行長期被壓搾，被迫接這些「低賤工」，影響到整個界別的風氣，帖文中亦大爆行內2大壓搾現象。

延伸閱讀：【返工辛酸】一人睇舖去廁所都畀客鬧 Sales講述「忍尿之苦」

設計界2大壓搾現象
1. 薪金及付出不成正比
事主指設計商標絕不容易，由概念到設計再到微調，而且一個商標至少可以用上好幾年，必須小心顧及公司的形象；不過，有些人卻只提供1千元工資，然後不負責任地說「簡單就得」，讓事主氣指「簡單一係你咪自己整囉，你用手畫完Scan落去AI Image Trace囉」。

2. 專業及心血不被尊重
「啲字大啲」、「呢度大啲嗰度細啲」、「整多個款嚟睇下」、「Marketing有新字要改」，事主指如果你在香港做設計都一定聽過這些說話，心底也想反問「點解你唔諗好先俾Design做？」，而且字型大小需要配合整個設計，放大會糟蹋了整個美感，「Target Audience又唔係老人，放到老花都睇到有咩用呀請問」。

網民呻上個Job只得$500
有網民同樣留言表示對這些現象大感無奈，「啲人成日覺得我俾得錢就我話晒事，無奈哩個係普通現象」、「根本係香港成個創意產業都冇俾人重視過」、「1000一個LOGO？我上一單收咗500咋，乞兒咁乞」。

延伸閱讀：【網民職場Talk】大學一畢業即讀碩士會後悔？文科生半工讀返3份兼職

⏩⏩  需要請人？立即刊登招聘廣告！  ⏪⏪