【職場熱話】東京奧運圓滿落幕打工仔心碎：無得再扮工做「奧運保安」

CTgoodjobs' Editor

Published: 2021-08-06

Updated: 2021-08-06 15:11

延期一年的東京奧運今日圓滿落幕，香港隊獲得歷年最好成績，可喜可賀！對於打工仔來說，奧運這兩星期是蛇王的大好機會，更有不少老闆與員工在辦公室內一起睇比賽直播，氣氛十分融洽。不過奧運完結之後，大家又要回歸工作，有網民坦言「我會好懷念扮工做奧運保安嘅時光」！

延伸閱讀：【自我增值】乘著東京奧運熱潮推介7個超抵玩運動興趣班

網民分享東京奧運期間的扮工趣事：（按圖了解）

-我呢2個星期都係成班同事一齊睇足全日奧運直播，仲要high到係咁歡呼，完全唔似返緊工。
-今年奧運係歷來最有氣氛，連班平時無接觸運動嘅師奶同事都睇得好投入！
-好羨慕其他人有得返工睇，我連用電話睇文字直播都被老細鬧，淨係可以每晚睇重播……
-何詩蓓游水爭牌嗰日，我老細直程叫大家落去商場睇完決賽，先返上office開工，第一次見佢咁好人。
-本身唔係好期待今屆奧運，多得港隊咁出色發揮，令我每日返工都好有衝勁扮工。
-已經慣咗每日返工都開住幾個視窗，一眼關七睇勁多個live，無心機做嘢。
-唉諗起奧運完咗之後，返工時間又會好難捱，我會好懷念扮工做奧運保安嘅時光～
-張家朗拎完金牌之後嗰日，我個嚴肅老細竟然叫大家放假一天，刷新咗我對佢嘅印象。
-我有幾日為咗唔浪費手機data睇比賽，自願留喺公司OT扮工，上司仲覺得我好勤力。

雖然今屆奧運告一段落，不過大家要繼續為香港運動員打氣，靠市民大眾的支持，他們才可以在3年後的巴黎奧運再創佳績！

乘著這股奧運熱潮，日前有網民在討論區發起有趣投票，提出「假設奧運可再加一項比賽項目，大家覺得咩項目係香港可以有機會贏到獎牌？」。其中最多人贊同的包括返工馬拉松、追巴士比賽等，皆因香港打工仔返工的決心最大！

按圖即睇網民精彩留言：