【職場熱話】打死一世工到老一場空？　網民：最重要學識知足

從畢業到退休，普遍有大概四十年。普遍人一生有一半時間都是在職場上打滾，許多人窮忙一生意義在哪？要生活，還是只求生存？假若人到中年，進退維谷，沒有甚麼突破，究竟是否應驗了「打死一世工，到老一場空」的話呢？香港討論區有名網民看盡職場有中年人被解僱，有感而發，引來網民討論，一同思考人生。

延伸閱讀：【職場熱話】工作失去人生自由 日子無限loop 打工仔：感慨完就繼續做嘢啦

四個網民認為人生要學懂的態度與技能：（按圖了解）

+14

+13

知足常樂

網民：係無突破，但成世人都夠食夠住，無為過失業、搵工、無錢而煩惱，呢種嘅打死一世工，都唔差啊！

網民：快樂時要快樂，過得一日得一日，使乜諗咁多吖。

網民：生不帶來，死不帶走。由出生到死亡這段時間，生活開心就要心足。

網民：任何事物都喺三角形上，大多數人喺下層，只有少部份人係喺三角尖位，上上落落又何必咁計較。

居安思危

網民：做hea工未必係好，因為可有可無。

網民：人到30時，真係要諗份工係咪自己真心鐘意，否則快走。

網民：一感覺份工，無咩安全感，或者人工同職位同時係都無提升，就要轉工……

網民：做得一日得一日，但都要諗定後路。

積極上進

網民：學嘢同上位係留俾有發展嘅人，而唔係固步自封嘅人。

網民：就算無學識都好，有車牌嘅就去做送外賣，勤力嘅每個月搵三皮嘢絕對無難度。

學懂理財

網民：打死一世工沒問問題，儲唔儲到錢先大問題。

網民：年輕力壯，一定要搏。學懂理財，唔驚被裁。

網民：不善理財係死症，唔想到老一場空，要明白理財重要性，被動收入先係最大保障，有個有錢老竇另計。

有錢不代表快樂　要愛惜自己

許多人視錢財是個人成就的指標，但金錢是否唯一基準呢？有網民表示自己與有錢人甚有交情，但卻覺得那些人「好戇居，做到死，無享受過」，認為「享受生活，慢活人生，咁先係叻人。」

不斷向上爬的而且確可以保障自己往後的人生，但除了努力之外，人也需要懂得愛惜自己。即使擁有財富，但不懂得善用，最終仍然是一場空，正如有網民所說，「如果努力大半世，到老一場空真係一場悲劇」。

人生本來無一物，死後「萬般帶不走，唯有業隨身」。不想「到老一場空」，要懂得規劃人生，愛惜自己和身邊的人。

延伸閱讀：【網絡熱話】30歲搵2萬慨嘆一事無成 網民鼓勵：大器晚成

延伸閱讀：【職涯規劃】35歲踏入職場危機？不想被淘汰 必認識10大對策

延伸閱讀：【職涯規劃】中年只想安穩？ 40歲前必須準備好的10件事

⏩⏩  需要請人？立即刊登招聘廣告！  ⏪⏪