【職場熱話】打工仔返工一個月被炒 自覺無用失自信 網民：喊完再嚟過！

人生流流長，曾經擔任的工作又豈止一份。無論是兼職、全職，即使工作的時間很短也好，我們都能從中學習到不同的技能和知識，將這些知識活用到老。

延伸閱讀：【職場貼士】覺得返工被人針對？可能源於5個不成熟的職場表現

不少人都試過被「炒魷魚」，這種感覺絕不好受，若果被指能力不足，難受的感覺可謂加倍。最近在討論區，有打工仔分享自己的經歷，指自己才上班一個月，就收到老闆的「大信封」，網民都紛紛安慰事主：「哭完，再接再厲！」

點圖了解更多事主經歷：

+14

+13

1/晏晝收工之前，老闆突然話有嘢想同我傾，叫咗我過去，
2/突然我有種唔好嘅預感，佢就同我講話要炒咗我，
3/我先返工一個月，好多嘢都仲學緊，老闆話我能力太差，唔能夠勝任工作。
4/嗰下我個腦真係一片空白，因為我好缺錢，呢個消息令我好錯愕。
5/我搵咗好耐，先搵到呢份工，無諗過要辭工。
6/所以我真係好驚嚇，返屋企嗰陣喊住打呢篇文。
7/呢份唔係我第一份工，但第一次畀人炒，突然覺得自己好無用

網民回應：
A/我曾經都有過做一日半日被要求離開嘅經驗，都係話我能力不足。覺得錯愕係好正常嘅事，唔好怪自己，加油，工只要搵就會有
B/就當呢個月無存在過，人無完美，總會有啲工同你嘅磁場係唔啱，好似做朋友咁，啱嘅當然好，唔啱嘅咪算囉
C/我上個星期都經歷過啲咁嘅事，一齊加油！
D/加油啊，我目前做咗一個幾月，每日都畀上司喺Chat group點名，覺得啲嘢好似做唔完咁，好有挫敗感，好似隨時都會被請走咁，但只可以樂觀啲諗，如果真係走到嗰一步，就加油搵過份工
E/唔使驚喎，我第一、二份工都係咁，嗰陣勁擔心自己搵唔到工，又不停反思自己。我明白發生咁嘅事，一定會諗好多嘢，但諗得越多，只會越擔心，所以你都係休息吓，散吓心，見吓朋友，唔好諗咁多，咁自責啦。搵返內心嗰份初衷同衝勁，再鼓起勇氣搵過份工。過咗兩年，我而家做緊自己最鍾意嘅工作，人工又多咗，所以唔好擔心，所有嘢都會變好
F/唔緊要啦，喊完再出發！
G/我都覺得自己好無用，每日都怕老闆會炒咗我
H/怪嘅公司真係好多，唔好氣餒，加油！
I/我都係做咗一個月就畀人炒，咁嘅事都係第一次遇到，一定會好錯愕好難過，呢個月就咁浪費咗，畢竟唔可以寫喺CV上面，一時三刻難過係正常，喊吓無所謂，但始終都要振作過日子。最近喺面試求職，我哋一齊加油！

延伸閱讀：【職場心理】對工作失去熱情與目標 10條問題分析你係咪情緒耗竭受害者？

遇難越強
在工作的時候，難免會遇上覺得自己能力不足的時候，會覺得難過是很正常的事情，不要過份怪責自己。遇上這種事情的時候，我們要明白沒有人會是完美，都會有不足的地方。面對並接納自己不足，從而作出改善，才能使我們變得更進步。

在辧公室哭泣不代表軟弱！話你知5個有關眼淚的迷思！（點圖了解更多）

+12

+11

⏩⏩  需要請人？立即刊登招聘廣告！  ⏪⏪