【職場熱話】打工仔被上司投閒置散 係咪被炒先兆？

在辦公室偷懶而不被發現是上班的一大樂事，但當你在公司有如孤魂野鬼，遲到和無所事事都無人問津，上司又甚少安排工作，因此整天都靠社交媒體及討論區打發時間，這種感覺也不好受。近日就有網民在網上討論區發佈帖文，表示被上司投閒置散，感覺被放棄，正考慮尋找其他工作。

延伸閱讀：【職場貼士】打工多年遲遲未升職？10個升職絕招你要知

事主分享及網民回應：（按圖了解）

+11

+10

事主：一年contract工，返咗差唔多10個月，入職嗰陣話要學好多嘢，點知split office咗半年都係做同一樣嘅無聊嘢。

事主：返到總部繼續做一樣嘅嘢，上司都無叫我學新嘢，反而叫新過我嗰啲人學。

事主：行過見到我玩電話都無理我，係咪準備放棄我，唔續約嘅先兆？使唔使搵定工？

網民：咁你咪走人囉，被上司放棄你之前你先放棄佢，就係你贏。

網民：樓主性格係咪內向同唔埋堆？

網民：我都係，我完全唔跟公司規矩，得閒射下波，老細都唔理我，又唔加我job就不斷cut我，但我個位長期keep住食物鏈最低層，代表咩？

網民：合約工就係咁，公司佢只要一個人，新人人工又低又聽話。

網民：總要有底層員工，最緊要你肯繼續袋呢個人工就滿足，下欄嘢個個做都一樣，但重新請過就煩啦。

網民：依家做中層，早幾個月同boss講做到12月，之後佢無再預我project。

網民：我啲同事好似好忙，但係我就好得閒，成日發夢，行行企企，做夠數就等收工，做唔晒就第二日先。成條team得我6點準時撇，雖然都無人care，但係廢到自己都唔好意思。

網民：我都同你差唔多，打緊雜，啲新嘢勁嘢全部唔預我，不過幾好，幾hea，而做嗰啲project嘅人不停OT，依家我只係想做夠一年，拎個公司名搵過間。

網民：返工為咩先？如果點做都係一樣人工，咁我會選擇令自己最舒服嘅方法做落去，如果想要多啲錢嘅咪走人囉。

網民：合約工預咗唔會有心機教你，有需要就續，無需要就唔續，無手尾，唔好睇得自己太重要，重要職位根本唔會合約，大家都心知，唔使擺上心，佢都預咗你搵到好工就走。

如果自己的工作無關痛癢，感覺不被重視，而自己並不喜歡這種感覺，只能選擇主動爭取工作贏回上司的信任，或者離職轉換工作。否則，長此保持這種工作狀態，與辦公室内其他人格格不入，或多或少都會影響自己的心情。

上司有心栽培下屬的5個特徵：（按圖了解）

+11

+10

延伸閱讀：【職場貼士】打工多年遲遲未升職？10個升職絕招你要知

延伸閱讀：【職場貼士】公司重用你還是利用你？5個情況證明上司有心栽培你

延伸閱讀：【職場貼士】擔心無辦法成為正式員工？5個順利通過試用期的竅門

⏩⏩  需要請人？立即刊登招聘廣告！  ⏪⏪